Ifisiɛŋ 4:28 - Yálá laawoo hɛɓɛ (dc)

²⁸ Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Yálá laawoo hɛɓɛ

²⁸ Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Bible

²⁸ Ŋuma-nuu fe ŋɔ́nɔ ŋuma kɛ̀. Tɔɔ é tíi kɛ́ a ǹyée tɔ̃yâ-pere su, a gɛ́ɛ sɛŋ da é kɛ́ ǹyêei é da tɛɛ ǹúui pɔ a da wɛlii.

Ifisiɛŋ 4:28 Referans Kwoze

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Lɛɛ gbɔwɔ ɓa 20:15

«'Hvó nwuɔ̨ kɛ.

Zakari 5:3

Ya ɓə a kɛ mą́ą́: «Nɛ̨ŋɛ̨n naa ka tii taɠai nɔi kɔ́lɔ kəlee. «Mɛ̨nįi bɛ̨ɛ̨ bələ tɔ̨nɔ̨, ya ɓaa, di nwuɔ̨mun nɔpee, gəlee kulɔ nɔi hu. Ɛlɛɛ, bələ tɔ̨nɔ̨ yɛ mą: Nui lɔpee a gwɛla a lɛɛ, di gulɔ nɔi hu.»

Ɉaan 12:6

Yee hvowolo nuą mąą liihɛlɛn hvo kɛ mą, yɛ yili ɓo. Ə kɛi mo tii mąąhɔlɔɓo, nwuąi kɛ, ɛlɛɛ, ya ɓa nwali ɓíi ə kɛ ɲəi; yii nwɔ̨nɔ̨ kɛi hɔlɔɓo, yɛ ɲee mąą laa yɛ ɉəɠə.

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə veelɛ 8:2

Mɔ̨nɔ̨ huwu tamąą ə laa diɛ, kɛlaa di kwəinɛ̨ɛ̨ pələ kɛnɛ̨, di mɛ̨inɛ̨ɛ̨ kpɛa-kpɛaa kɛ, bələi mąn ti di kɛ la yeehvowolo laa hu.

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Ɉaan 13:29

Ə kɛ nu taɠaa kwəi yii Ɉudasə ɓə kɛi nwali laaikɛ, Jesus kaa kɛi ma: li, ə ɉɛli kɔ̨nɔ̨n da ya, a wala kɛ tii, ə wali tɛɛ mąąwɛli nuą pɔ.

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Hanwon 14:23

Tɔ̨nɔ̨ kaa koló kəlee hu, Kɛlaa, howon gbɛli kpɛli, laa kulɔi ɓaa yeehvowololaa.

Hanwon 13:11

Nu a hɛn ɉɔlɔɓo a hvoló tɔ̨nɔ̨, da lɔ ɓə a kɛ kulɔi mą. Kɛlaa, nui a hɛn naa gee mɛ̨i a bɛlɛɛ pɛlɛɛ, da lɔ ɓə a kɛ pɛlɛi mą.

Zôo 34:32

mɛ̨nį ɲɔ̨nŋąąi və́ gaa li, di lɛ mą́ą́ yɛ́ kpinįi, akɛ ŋą́ą́ mɛ̨nį ɲɔ̨n gɛ, və́ kɛa pai da kɛi.»

Lɛɛ gbɔwɔ ɓa 21:16

«‹Nui a nu kan nwuɔ̨, akɛ aa gbɛa nɔwɔtɔɔ, a wala kɛ ti a kɛ nii ɲəi, mąąnɛ̨ɛ̨ di nwuɔ̨mun tii baa.

Hanwon 21:26

A kɛ lɔ ɲɛ̨i kulɔi hɛnŋąą pɔ a yələ kəlee. Tələnmomun a kɔ́ɓo kɛ hva bulu kaa.

Hanwon 31:20

Ɲee hvo kanąn ni mą mąąwɛli nuą tɔwɔ, a yeehowolo nuą kɔ́.

Korɛntə dɔlɔɔ 4:12

kwa kólo kɛ a ku kpɔwɔ yee ə gɛ, ku kɔ̨nɔ̨n ɉɔlɔɓo. Da ku lalan, kuɔ lúwɔ́ too, da ku mɔ̨nɔ̨ɓo, kuɔ ku liikpələ.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.