Ifisiɛŋ 4:10 - Yálá laawoo hɛɓɛ (dc)

¹⁰ Nui ŋɛ̨i yɛɛ, ya lɔ ɓə nwɔ̨nɔ̨ tɛ, yɛ laŋįn yələkɔlɔn gəlee mɛ̨i, əgɛ, ə yələ kwəi kəlee hvɛɛ.

Yálá laawoo hɛɓɛ

¹⁰ Nui ŋɛ̨i yɛɛ, ya lɔ ɓə nwɔ̨nɔ̨ tɛ, yɛ laŋįn yələkɔlɔn gəlee mɛ̨i, əgɛ, ə yələ kwəi kəlee hvɛɛ.

Bible

¹⁰ Ǹúui nyíi yèŋ ǹyaa ƃa ǹúui máŋ tɛ̀ ŋ̀elei su póŋ-póŋ, a gɛ́ɛ e sɛŋ kélee láa fɛɛi.

Ifisiɛŋ 4:10 Referans Kwoze

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Kolosə 1:19

Hvo gaai, Yálá ə naa gwəi, ə ɉuɓo ɉu,

Maafîu 24:34

Gáá moi kaa a tɛ̨ą, háá kəlee, nuą taɠaa ka ɓɛ di kaa lɛɛi a di húlú ə lɛɛ la ɉu di mɛ̨nįɠaai tii kaa.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Gɛlaɠaa 1:9

Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Ɉaan 19:36

Yaan, mɛ̨nį tii ə kɛ, ə gɛ, mɛ̨nį Yálá laawoo hɛɓɛ́ ə mo bɔ mɛ̨nį ə kɛ, yai ə kɛ mą: «Gɔw tɔ̨nɔ̨ kpɛli hu hvo pai yalii.»

Ɉaan 19:28

Yii kɛa Jesus ə gaa yɛ mɛ̨nį kəlee ɲąą aa pɛli, əgɛ mɛ̨nįi Yálá laawoo hɛɓɛ́ ə mo bɔ mɛ̨nį kɛ, yɛ diɛ: «Kpələ wɛli aa ɉón.»

Ɉaan 19:24

Ɉolahiɠaa diɛ di kee ɓa: «Mąą hvo nɛ̨ɛ̨li gu hvo ɉu ɓɛla, kɛlaa, ka gu gɔ́ a kpɛɛn.» Yili ə kɛ tii ə gɛ, mɛ̨nįi Yálá laawoo hɛɓɛ́ ə mo bɔ mɛ̨nį ə kɛ, yai ə kɛ mą: «Di mą́ą́ həɠəɠaa ɲąąkwɛlɛ di kee lɔwai, Di nwɔ́ həɠə muhəɠəi kɔ́ a kpɛɛn.» Bələ ɓə gɔ́kulááɠaa di gɛ la.

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Korɛntə veelɛ 12:2

Ŋą́ Kristə ŋą nu ta kɔlɔn, gwɛlan bow kɔw nąąn ga, kɛlɛ ə kɛ nu kɔlɔ hu, kɛlɛ hvo kɛ ɉu? Gbaɠala hvo mą́ą́, Yálá ɓə gbaɠala kɔlɔn! Nui tii, di dɛ kpɔ yələkɔlɔn mɛ̨i yələkɔlɔn ɉu.