Ifisiɛŋ 3:6 - Yálá laawoo hɛɓɛ (dc)

⁶ Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Yálá laawoo hɛɓɛ

⁶ Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Bible

⁶ Nya ƃa, berei Zɛ̃tai-ŋai díkaa la a pɔɔ-sɛŋ-namela dia máŋ. Díkaa a gbono tɔnɔi su-ƃela da, dí ƃo a gono-teei sɔlɔ-ƃo-ƃela da Zîsɛ Kôrai kponôi Duŋ Lɛ́lɛɛi sârai.

Ifisiɛŋ 3:6 Referans Kwoze

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Galatə 3:14

Yili ə kɛ ti, ə gɛ, núwɔ́i Yálá ə naakwɛlanmo Abrahamə ɓa, huwu takpɛliɠaa di da hɔlɔɓo, Jesus Kristə hu pələ, ɛlɛɛ, a kɛ tii, laa na laa háálai, Gilii kɛ naakwɛlanmo, gu ɉɔlɔɓo.

Korɛntə dɔlɔɔ 12:27

Yaan, ka káá a Kristə kpįnį, kaa ɓo a dɔɔ-tɔɔiɠaa nu kəlee da dɔɔi.

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.

Ifisiɛŋ 5:30

Gu hvo mɔ̨ɔ̨ a gɔ́lɔ tii tɔɔ-tɔɔnŋaa?

Ifisiɛŋ 5:7

'Ká hvo too di pɔ.

Korɛntə dɔlɔɔ 12:12

Bələi lɔ ɓə gaa la, nu kpįnį kaa la tɔ̨nɔ̨, dɔɔ-tɔɔi tamąąi mą, kɛlaa, bələi mąn tii damąąi la, gaa lɔ a kɔlɔ tɔ̨nɔ̨; bələ lɔ ɓə Kristə kaa la.

Izikiɛ 47:22

Ka nɔiɠaa kɔ́ a kpɛɛn, ka wɛi da nweai da hee ka kɔ́wɔ mɛ̨i; ɛlɛɛ, da lonŋąąi di di kaa ka lɔwai. Mąąnɛ̨ɛ̨ ka di hon yɛ nɔi lon da Israɛlə nu huwui lɔwai. Ka diɛni ka nɔi kɔ́ a kpɛɛn, da Israɛlə nu huwu kəlee.

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Ifisiɛŋ 3:3

Yálá ə nwɔ mɛ̨nį loɔ tii lɛ mą́ą́, yɛ bələi ŋį́ da wolo ɓo la káá a ɉu kpua.