Ifisiɛŋ 3:4 - Yálá laawoo hɛɓɛ (dc)

⁴ Ká kɛli ɉɛɓɛ́i ŋɛ̨i ɓo, bələi ŋą́ Kristə mąą mɛ̨nį loɔ kɔlɔn na, ká pɛli yili kpaɠala kaai.

Yálá laawoo hɛɓɛ

⁴ Ká kɛli ɉɛɓɛ́i ŋɛ̨i ɓo, bələi ŋą́ Kristə mąą mɛ̨nį loɔ kɔlɔn na, ká pɛli yili kpaɠala kaai.

Bible

⁴ Kà nyíŋi lòno, ka pâi ŋámɛni-ŋa-kaai kɔ́lɔnîi naa e pîlaŋ Kôrai ŋɔloo-mɛnii ma.

Ifisiɛŋ 3:4 Referans Kwoze

Kolosə 4:3

Ká wɔɔ Yálá hvɛlii lɔwaiɠaa, ká Yálá hvɛli kuɔ kpɛlimąn kuɔ, əgɛ, Yálá ə naa woo laa həli pələ laaɓo ku tɔwɔ, gɛ́ pɛli Kristə mąą mɛ̨nį loɔɠaa hukulɔi, yai gáá gaho ɲą, mąą mɛ̨nį ɓa;

Korɛntə dɔlɔɔ 4:1

Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Korɛntə veelɛ 11:6

Ŋą́ gɔlɔn, náákpan ɉu hvo tee li mɛ̨nį ɓoi, kɛlaa, yii hvilɛn na mɛ̨nį kɔ́lɔn ŋąą ɓa, nwɛi gaa ɲə́i. Mɛ̨nį kəlee hu, a pələ huwu kəlee, kwaa yili kpaɠala lɛ káá.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Ifisiɛŋ 5:32

Noo mɛ̨nįi ŋɛ̨i gɛnɛ̨i, nwɛ́i gáá kpɔ kɛi diɛ: yili hvilɛnŋąąi Kristə da nwɔ kpɔn diɛ.

Ifisiɛŋ 1:9

Nwɔ loo mɛ̨nįɠaai a niiɓa, aa nɛ guɔ, a mɛ̨nįɠaai tii, ə gbɛa mąą kili tee gwəi, gbɔwɔ kpinį hu.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Timote dɔlɔɔ 3:9

Mąąnɛ̨ɛ̨ di kanąn laa na laa ŋą tɛ̨ą ɓa a kili lɛlɛɛ.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Ifisiɛŋ 3:3

Yálá ə nwɔ mɛ̨nį loɔ tii lɛ mą́ą́, yɛ bələi ŋį́ da wolo ɓo la káá a ɉu kpua.

Ifisiɛŋ 3:9

Ɛlɛɛ, mɛ̨nį loɔi, yɛnɛ̨ɛ̨ kəlee piliɛ geemɛ̨i pɛlimun Yálá, ə noo la gwəi ə həɠə la wɔlɔ-wɔlɔ ɓa; bələi ə mɛ̨nįi tii ɲɛ̨i kulɔ la, gɛ́ nwɔ̨nɔ̨ yili mąą pono.

Kolosə 1:26

a mɛ̨nįi wɔlɔ noɔ, yai Yálá aa doo pono ɲą yiihu, ŋą nu mąąhəɠɛɛɠaa diɛ.