Ifisiɛŋ 3:18 - Yálá laawoo hɛɓɛ (dc)

¹⁸ Ə gɛ, ká pɛli hvaŋą hɔlɔɓoi, káá pɛli mɛ̨nį loɔi tii, ɲąąkɛnɛ̨ pələ, gwɛa pələ, dɔɔmɛ̨i da gbon ɉu kwɛa pələ kɔlɔn ɉii, ká Kristalɛa kəlee.

Yálá laawoo hɛɓɛ

¹⁸ Ə gɛ, ká pɛli hvaŋą hɔlɔɓoi, káá pɛli mɛ̨nį loɔi tii, ɲąąkɛnɛ̨ pələ, gwɛa pələ, dɔɔmɛ̨i da gbon ɉu kwɛa pələ kɔlɔn ɉii, ká Kristalɛa kəlee.

Bible

¹⁸ gɛ̀ ní wála-wala a pâi kɛ̂i káyêei ka Ŋ̀âla-ƃelai kélee ka táre zu berei wɛli-kɛ-maa ŋɔŋa-kɛtɛ, ŋɔkôya, da ŋɔtɔɔ mɛi káa lai, da berei ziŋɔɔ̂i lai,

Ifisiɛŋ 3:18 Referans Kwoze

Ɉaan 15:13

Wɛli kɛ mąą laa ta hva tɛɛ yii nu a haa la mɛlaa mąą mɛ̨nį ɓa mą.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Azaya 55:9

Bələi lɔ yələkɔlɔn mąą kwɛaa la lɔi ɓa, bələ lɔ ɓə nwɔ́ pələɠaai mąą kwɛaa la ka yii pələɠaai diɛ, ɛlɛɛ, gwə́i kiliɠaa mąą kwɛaa lɔ tii ka kwəi kiliɠaa diɛ.

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Ifisiɛŋ 1:15

Yili ɓə gɛ, ɲą́ą́ kpɛlimąn,, 'ká laa mɛ̨nį gu Nąmu Jesus la, da mąąhəɠə nuą wɛli la kɛ pələ ká yəi, yii kpɔ kɛa ŋą́ yili bələ mɛ̨n;

Mąątɛ̨nɛ̨ 145:10

Ə́ kɛ mɛ̨nį kəlee pɛlɛɛ gee ɓa, di kaa pai kɛi ə́ mąątɛ̨nɛ̨i, Yai-Laa, ə́ yee pɔnuą diɛ ə́ mąąwiɛ.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Mąątɛ̨nɛ̨ 139:6

Gɔ́lɔ́n bələ taaləi tii ə́ yəi, yili yee tɛɛi mą́ą́, Nąnŋąąi mɛ̨́i, vá pɛli həlii mą!

Kolosə 1:4

Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.

Mąątɛ̨nɛ̨ 132:9

Ə́ wɔ haláá laa həli nuąi, di kwąną həɠə ə kɛ a tələmolaa, ə́ yee pɔ nuą di tómą a kwəinɛ̨ɛ̨.

Kɔlɔnikɔ Veerɛi 6:41

'Ə́ muhəɠə yiihu! Yai-Laa, 'pa Ə́ hvįitɔɔ pɛlɛ mu! Yɛ́ ka gəhii Ə́ hvąŋą kaa ɉui! Yai-Laa, Yɛ́ haláá laa həlinuąi mąąyili a di nwun mąąɓo həɠə! Ɛlɛɛ Yɛ́ Yee-too-lonnii 'di kwəinɛ̨ɛ̨ kulɔ nwun na nɛ̨ɛ̨ hu!

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Korɛntə veelɛ 13:13

Gu Nąmu Jesus Kristə nwɔ mɛ̨inɛ̨ɛ̨, Yálá nwɔ wɛlikɛmąąlaa, ɛlɛɛ, Kili-Mąąhəɠɛɛ nwɔ nɛ̨ɛ̨laa ə kɛ ká kəlee ká pɔ.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Mąątɛ̨nɛ̨ 116:15

Yai-Laa nwɔ nuą haa mɛ̨nį, a nwąną mą kpɔ kɛnɛ̨.