Ifisiɛŋ 3:16 - Yálá laawoo hɛɓɛ (dc)

¹⁶ Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Yálá laawoo hɛɓɛ

¹⁶ Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Nįį háálai yai gaa ka hu.

Bible

¹⁶ a gɛ́ɛ berei ŋɔfólo-laai kɛ̂tɛi lai, é kákɛ kákponôi e kpanaŋ a wála-wala-laa núu-kpune kponôi Ŋɔmɔ̂leŋ sârai,

Ifisiɛŋ 3:16 Referans Kwoze

Kolosə 1:11

Ká hu yɛ pɛli walawalai la mɛ̨nį kəle hu, mąąɲįnɛ̨n vaŋą kɛnɛ̨ɛ̨ háálai, káá pɛli tɔɔi la a vaŋąlɔ da liikpələ, hukɔɔn mɛ̨nįɠaa kəlee hu. Kwəinɛ̨ɛ̨ hu,

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Filipə 4:19

Ɛlɛɛ, nwɔ́ Yálái kaa pai ka mąą kpaan gəlee kpɛɛi yɛ pələi nwɔ hɛn Ną́mu laa kaa la Jesus Kristə hu.

Mąątɛ̨nɛ̨ 28:8

Yai-Laa ɓə a nwɔ nu huwui di wɔ huwalawala, a nui ə ɉəɠə ɉu, mąąkpɛ taa wala wala.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Mąątɛ̨nɛ̨ 138:3

Ɲələi ŋį́ ə́ təli la, yɛ́ nwóó mu hon, ə́ váŋą ta pɛlɛ mą.

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Hebreu 11:34

diɛ nwɔ̨n gbɔluɠaa luwun, diɛ kulɔ ɓɔwa kwɛaaɠaa yee mu, diɛ kulɔ ɲɔ̨n nwalawalaɠaa hu, diɛ kuláálaa kɛ kɔ́ hu, di yee yɛ tɛɛ kɔlaɠaɠaa diɛ.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Zôo 23:6

Ə li mɔ̨ɔ̨ pa tɔɔi ná a nwɔ huwalawala? Kɛlaa, kpaa! Nwɛi, a pɛli kpɛli kɛ nwəli tɔɔi nwóó ɓa.

Ifisiɛŋ 3:15

Yai huwu mɛ̨nį kəlee a həɠə bɔ pələ, lɔi mɛ̨i da yələkɔlɔn ɉu.

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.