Ifisiɛŋ 3:13 - Yálá laawoo hɛɓɛ (dc)

¹³ Yili mąą mɛ̨nį ɓə gɛi, gáá ɉuhvɛlii káá, gɛ́: 'Ka hvįi hvo kpɛɛ mɔ̨nɔ̨ɠaai gáá mįi ká pulu di mąą mɛ̨nį ɓa; yaamun gaa a ká ɲɛ̨i pono mɛ̨nį.

Yálá laawoo hɛɓɛ

¹³ Yili mąą mɛ̨nį ɓə gɛi, gáá ɉuhvɛlii káá, gɛ́: 'Ka hvįi hvo kpɛɛ mɔ̨nɔ̨ɠaai gáá mįi ká pulu di mąą mɛ̨nį ɓa; yaamun gaa a ká ɲɛ̨i pono mɛ̨nį.

Bible

¹³ Mɛni ma ŋa kámarê kɛ̂i a gɛ́ɛ káfii fe kpɛɛ ŋámɛni-soli-kaai ma kámɛni ma, nyíi gáa a káfolo-laai.

Ifisiɛŋ 3:13 Referans Kwoze

Tɛsalonikə veelɛ 3:13

Yii ɓaa ká wɛi ną́n nonnii, ká hvįi hvo kpɛɛ mɛ̨nį lɛlɛɛ kɛi.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Korɛntə veelɛ 1:6

Mɛ̨nį walawala aa həli kuɔ? Yili kaa a ká liilaa mɛ̨nį da ká ɓalo mɛ̨nį. Liilaa mɛ̨nį aa həli kuɔ? Yili kaa a ká liilaa mɛ̨nį, yai a pɛli gɛi, mɔ̨nɔ̨i ku kaa mįi ká mąą mɛ̨nį ɓa, káá pɛli ká liikpələi ká wɛi mu.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Sofoni 3:16

Mąą yələi tii, di kaa pai kɛi Ɉerusalɛmə ɓa: 'Hvó ɲɔw, Siɔn! Ə́ yeekɔ̨nwɔ̨n ɉu hvo haa.

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Dutɛrɔnome 20:3

yɛ kɛ diɛ: «Israɛlə nuą, ka ka wəli tɔɔ, ka káá lii háákələi kɔ́ kɔ́i, ka ka yowoɠaa kaa, ka lii hvo kulɔ kaa, ka hvo ɲɔw, ka hu hvo pu kaa; ka mąą hvo kpɛlin di tɔwɔ.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Filipə 2:18

Bələ lɔ ɓə mąąnɛ̨ɛ̨, káá kpɛlimąn ká kwəi ə nɛ̨ɛ̨ la, yɛ ɲą́ą́.