Ifisiɛŋ 2:10 - Yálá laawoo hɛɓɛ (dc)

¹⁰ Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Yálá laawoo hɛɓɛ

¹⁰ Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Bible

¹⁰ Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Ifisiɛŋ 2:10 Referans Kwoze

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Korɛntə veelɛ 9:8

Huwalawala kaa Yálá yəi, yɛ pɛli ká yee laa hvɛɛi a mɛ̨inɛ̨ɛ̨ huwui lɔpee gəlee, yii mąąkpaan gaa káá, mɛ̨nį kəlee hu, a yələ kəlee, yɛ pɛli kɛi ká yəi; ɛlɛɛ, káá nwɔ̨nɔ̨ pɛli kóló lɛlɛɛ huwui lɔpee gəlee kɛi la.

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

Filipə 1:6

Náái na kpɔ gɛ́: Yálái góló lɛlɛɛ ti kɔ́wɔ tɔɔ ká hu, gaa pai lɛɛi mą, ə naa kulɔ, a Jesus Kristə ŋą hvólói.

Timote veelɛ 3:17

ə gɛ Yálá nwɔ nu, ə mɛ̨nį lɛlɛɛ huwu kəlee kɛi.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Timote veelɛ 2:21

Nui a ɲee kulɔ mąąliɓi mɛ̨nįɠaa hu, da pɛli di gɛ a di yee huɓo hɛnɲąŋą walawala, mąąhəɠɛɛ, gu Nąmu yɛ ɲee huɓo ɉu, bɛliɛ mɛ̨nį lɛlɛɛ kəlee mąą mɛ̨nį ɓa.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Hebreu 10:24

'Ká gu gu keeni mɛ̨ikaa, guɔ gu kee lii muhəɠə wɛlikɛmąą laa pɔ pələ, da mɛ̨nį lɛlɛɛ kɛɛ.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Zɔ̂ŋ Maa-ŋuŋ 2:6

Nui a kɛ diɛ gaa ɉu, hvo kɛli mąą nu a hiɛ a bələi yaa tii a Jesus ə hiɛ la.

Mąątɛ̨nɛ̨ 138:8

Yai-Laa kaa pai mą́ą́ mɛ̨nį kəlee kɛi, Yai-Laa! Ə́ wɔ ɲɛ̨imąąwɛli kaa ɲɛ̨n deei hvo mą! Hvó ə́ kili kulɔ ə́ kɛ kóloɠaa hu.

Azaya 29:23

Mąąhɔlɔɓo, yii ŋį́ gɛ diɛ, da gaa, nonnii kaa pai Náá mąąhəɠəi, di kaa pai Ɉakɔbə nwɔ Mąąhəɠəmun laa mąąhəɠəi; di kaa pai kpɛlin ɉii Israɛlə nwɔ Yálái lííla.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Ɉaan 3:21

Kɛlaa, nui a mɛ̨nį kɛ a tɛ̨ą, a kulɔ la pono ŋą, ə gɛ, nu kəlee di gaa, diɛ mą: aa Yálá woo hon, mąą túwɔ́ pələɠaa ka.»

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Tɛsalonikə veelɛ 2:17

Ə ká liilaa, ə ká hvaŋąlɔ ká kɛ mɛ̨nįɠaa kəlee hu, da mɛ̨nį lɛlɛɛɠaai ká mo, gəlee hu.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Korɛntə veelɛ 5:5

Nui gu pɛli tínąą tii mąą mɛ̨nį ɓa, Yálá kpinįi ɓə. Yaa ɓə gu kɔ a ŋą Kilii yəi mɛ̨inɛ̨ɛ̨ dɔlɔɔ.

Azaya 44:21

Ɉakɔbə, mɛ̨nįi ɲɛ̨i kili ə too ə́ ɲą, Israɛlə, nwɔ tímun mąą a yɛ́, ŋį́ ə́ pɛli a nwɔ tímun, Israɛlə, 'hva pɛli yá laai gɔ́lɔi.

Timote dɔlɔɔ 5:25

Mɛ̨nį lɛlɛɛɠaa di wɛi kaa lɔ tii, da gaa lɔ ɲąąɓa; ə mą kɛ, yii nu hva gaa ɲąąɓa, diɛ kpɛli, di hva lɛɛ di loo pələi.

Timote dɔlɔɔ 2:10

kɛlaa yaamun, di di mąąyili, a túwɔ́ pələ lɛlɛɠaa, yɛ nɛ̨ąąi da di wɔɔ lɛɛ nwoo mu laa lɛ Yálá ɓa.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 19:25

Núwɔ́i Yai-Laa Mɛ̨nį Kəlee ŋą Hééɓomun kaa pai dooi nɔi ɓa, ya ka: «Lúwɔ́ ə kɛ nwɔ́ lɔi Eziptə ɓa da ɉu nuą, lúwɔ́ ə kɛ Asiri ɓa, yai ŋą́ bɛli a ɲéé, lúwɔ́ ə kɛ Israɛlə ɓa, yai a gwɛ́lin!»

Mąątɛ̨nɛ̨ 119:3

Diɛi di yee hvo mɛ̨nį ɲɔ̨n ɉu, diɛ hiɛ nwɔ pələi mɛ̨i.

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Galatə 6:15

Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Ifisiɛŋ 2:6

Aa gu nwun gwa Kristə ni haa yəi, aa gu hee yələkɔlɔn ɉu, Jesus Kristə hu.

Ifisiɛŋ 2:13

Kɛlaa yiihu kɛa, Jesus Kristə hu, káái wɔlɔ kɛ, ká mąąkwɛaa Yálá ɓa, Kristə ɲąmą aa ká mąąkpuɔ mą.

Ifisiɛŋ 2:15

Kristə aa dɔn nwoo həɠə mą, da ɉu tíɓoɠaa ə mą kɛ, mąą tɔnŋaa; bələ ɓə ə paa la a liilaa, Ɉuifəɠaa da nuąi di hvo kɛ Yálá kɔlɔn di pɔ, a di kɛi ə mo a nu tanɔ̨n, a nu nįnɛ̨, gbinį lee hu.