Hebreu 9:8 - Yálá laawoo hɛɓɛ (dc)

⁸ Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

Yálá laawoo hɛɓɛ

⁸ Nįį-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

Bible

⁸ M̀ɔlêŋ Maa Waai a ǹɛ bere-sii ŋí su a gɛɛ gwaa maa waai maa-perei lá fé niî ƃo nɔ́ tãi nɔ́ loŋpoi maa-ŋuŋ káa niî tɔɔ ni lai

Hebreu 9:8 Referans Kwoze

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Hebreu 3:7

Yili ɓə gaa mą, yɛ pələi Kili-Mąąhəɠɛɛ ə mo la, yɛ mą: «Háákələi, ká Yálá laa woo mɛ̨n,

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Hebreu 9:3

A həɠə laa, ɉəɠə ɓɛla veelɛnąą pulu pələ, haláá kulɔi ə kɛ laa, diɛ kɛ mą: Gɛɛnąą mąąhəɠɛɛ kpɔ tɛakpa-tɛakpa.

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Gɛlaɠaa 28:25

Di kɛɛ pai taɠai, di woo hvo ni kɛ laa li mą, ya ɓə Polə ə nwoo kpuɔi ŋɛ̨i ɓo diɛ, yɛ diɛ: «Tɛ̨ą ə kɛ Kili-Mąąhəɠɛɛ pɔ, ɓɛlɔwai ə kɛli mo la ka nąnni diɛ, gwəi mɛ̨nį hukulɔ mun Esai laaləi,

Ɉaan 10:7

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Azaya 63:11

Nwɔ nuą di di kiliŋąhiɛ kɛa, Moisə nwɔɔ hvolóɠaai diɛ, «Nui nwɔ taatɛlɛɛ pulunuą, kulɔ gboloyá yəi gaa mįnɛ̨? Nu kpɔ ə wɔɔ? A yai nwɔ Nįį-Mąąhəɠɛɛi tɛɛ bɔi?

Hebreu 10:15

Dɛ̨ą ti ɓə Kili-Mąąhəɠɛɛ a kɛ nwɔ̨nɔ̨ nɛi guɔ. Mąąhɔlɔɓo, yii kɛa ə gbɛa mo, yɛ kɛ:

Lukə 1:80

Nokoloi tii ə kɛi kɛnɛ̨, ə lɛɛ, kili yɛ ɓo mą kpɔ kɛnɛ̨, ɉu yɛ walawala. Ə lɛɛ ɲɛa lɔi pun ɉu, ə lɛɛ la ɉu hvo kɛli volói mąąnɛ̨ɛ̨ kɛ ə gbɔwɔ lɛ la Israɛlə nu huwu ɓa, ɲələ ə ɉəli.