Hebreu 9:28 - Yálá laawoo hɛɓɛ (dc)

²⁸ Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Yálá laawoo hɛɓɛ

²⁸ Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Bible

²⁸ bere nɔ ƃe Kôrai nyíi gbîŋ tɛ́ɛ nɔ́ zu tɔnɔ a gɛɛ é núu támaa dísɔnyɔ̂ŋ siɣei, a pâi pâi la a tãi veerɛi. Vé pâi sɔnyɔ̂ŋ mɛni ma, kɛ́lɛ, a pâi diai ƃálôi díkaa m̀aa kpɛnii kpɔ́ a gbanaŋɔɔi.

Hebreu 9:28 Referans Kwoze

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Lomaŋ 6:10

Haai ti ə mo, ə haa lɔ tanɔ̨n nɛ̨ŋɛ̨n mąą mɛ̨nį ɓa. Kɛlɛɛ, ɲɛnɛ̨ɛ̨ ti kɛa gaa gɛi, gaa gɛi Yálá ɓa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Korɛntə dɔlɔɔ 15:54

Ɓɛlɔwai gɔlɔ kɔ́hɔɓoɔ ŋɛ̨i mąą kaa pai hvalin ɉi la, a mąąhəɠɛɛ, ɉaa kɔ́lɔi ŋɛ̨i mąą ə hvalin a yii haa hvo mą, a kɛ tii, ɉɛɓɛ́ hu woo pɔ mɛ̨nį a kɛ, yai ə kɛ mą: Yee tɛɛmąą aa haa kpələ.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Zɔ̂ŋ Maa-ŋuŋ 3:5

Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Tɛsalonikə veelɛ 2:1

Yii hvilɛn na gu Nąmu Jesus Kristə ŋą yələi ɓa, da gu ɲąąkpɔn mɛ̨nį gwɛlɛ, ną́n nonnii, yii ku kaa vɛlii káá ya ka:

Korɛntə dɔlɔɔ 1:7

Yili ɓa tii, Yálá nwɔ mɛ̨inɛ̨ɛ̨ lɔpee ta hvo lɛɛ li pulu ká yəi, a káá ŋɛ̨i ká ɲɛ̨i kaa gu Ną́mu Jesus Kristə pa yələ tɔwɔi.

Lomaŋ 5:15

Kɛlaa, Adamə nwɔ hɔn ɲɔ̨n, hvo kɔ́ɔn ni Yálá nwɔ mɛ̨inɛ̨ɛ̨ ɓa. Nu tamąą haa a nu tɔ̨nɔ̨ laa pɔɔ, yili kaa tɛ̨ą. Kɛlaa, Yálá nwɔ mɛ̨inɛ̨ɛ̨ kɛnɛ̨ɛ̨i, ɛlɛɛ, mɛ̨inɛ̨ɛ̨ gɛ nu tamąą ɓa, ə gɛ diɛ nu tɔ̨nɔ̨ gbən háálai, ya ɓaa a Jesus Kristə.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Hebreu 9:25

Ɛlɛɛ, hvo kɛ li li laa gbɔwɔ kulɔ mɛ̨nį a haláá, geemɛ̨i tamąą, yɛ bələi ɉaláá laa həli mun gɛnɛ̨ ə kɛli lɔ la ɉəɠəpɛlɛ́ mu a kwɛlan ɉəli pələ tɛitɛi, a ɲąmą nįnɛ̨.

Levetekɔ 10:17

«Lə ɓə kɛ yai ka hvo ɉaláá hɛn tii mįi li kɛɛnąą mąąhəɠɛɛ ɓa? Mąąhɔlɔɓo, hɛn mąąhəɠɛɛ ka tii. Di dɛɛ ka pɔ nɔi lonnii di wɔ nɛ̨ŋɛ̨n mąąhvaalɛɛ haláá kulɔ mɛ̨nį ɓa, a nu mąąhvaalɛɛ kólói ka gɛ ɉaláái tii mɛ̨i Yai-Laa lííla.

Lonon mo 18:23

Levi lonnii ɓə pai kɛi gee kaa kələ mąą mɛ̨nį ɲɛ̨i kulɔi, da túwɔ́ a ɲɔ̨nwɔ̨ɔ̨, nwulu a lɛɛ di nwuɔ̨. Ka huwu nwuɔ̨ tiɛ̨ li a yələ kəlee. Di hvo pai lɔi hɔlɔɓoi a di kwɛlin Israɛlə lonnii lɔwai.

Lonon mo 18:1

Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Lonon mo 7:33

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.