Hebreu 9:27 - Yálá laawoo hɛɓɛ (dc)

²⁷ Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Yálá laawoo hɛɓɛ

²⁷ Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Bible

²⁷ Ǹyaŋ berei nɔ́ ǹɛ́lɛɛi la a gɛɛ fɛ̂ɛ núu-kpune é sáa zu tɔnɔ, nâa pôlu ma mɛni ŋa-teɛɛ é pâi,

Hebreu 9:27 Referans Kwoze

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Ikilisiati 9:5

Nuąi di kaa a di hvulú, di kili kaa ɉu diɛ: di kaa pai haai. Kɛlaa, nuąi daa haa, di hvo haa ŋą mɔ̨nɔ̨ kɔ́lɔn. Mąąhɔlɔɓo, daa li lɛ̨ąmąątaa.

Zûu 1:15

ə gɛ Ə hɛn gəlee kiti tee, ɛlɛɛ, nuąi di mąąliɓi a nɛ̨ŋɛ̨n, di wɔ túwɔ́ pələ ɲɔ̨nŋąąi di gɛ, di wɔ kulɔ nwoo mu laa hu, Ə gəlee kiti tee.

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Lomaŋ 5:12

Yɛ bələi gaa la, nu laa pɔɔ ɓə nɛ̨ŋɛ̨n nɔ yɛnɛ̨ɛ̨, mąą nui ɓaa Adamə, nɛ̨ŋɛ̨n ɲaan, ə pa a haa; yili ɓə gɛ haa yɛ həli nu kəlee ɓa, mąąhɔlɔɓo, nu Kɛlaa daa nɛ̨ŋɛ̨n ɉəɠə.

Ikilisiati 3:20

Nɔ̨ɔ̨-nɔ̨ɔ̨ hɛnŋaa kəlee ŋąąkpɛɛ pələ kaa tanɔ̨n. Nɔ̨ɔ̨-nɔ̨ɔ̨ hɛn gəlee da pənə di pu pɔlɔ hu ɓɛi di həɠə laa.

Zôo 14:5

Mąąhɔlɔɓo, nu nwɔ yɛnɛ̨ɛ̨ ɲɛn, naai, nwɔ yɛnɛ̨ɛ̨ ɲąnin gəlee nonon ŋąąi, ə lɛɛ nwɔ yɛnɛ̨ɛ̨ gbəlai ə ɓo mą.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Hebreu 6:2

nu mąąwaa mɛ̨nį mąą kalan, nu yee pɛlɛɛ nu nwuɔ̨, haaɓɛlaa nwun mɛ̨nį, da giti kpəli tee mɛ̨nį.

Mąątɛ̨nɛ̨ 89:48

Bələi nwɔ́ yɛnɛ̨ɛ̨ hu kpuaa la, gbaɠala kaa yɛ́, ɲɛnɛ̨ɛ̨ hviikpɛɛ tii mąą mɛ̨nį kpɔlɔ ɓə ə nu kan bɛli la.

Zôo 30:23

Gílí kaa ɉu, gɛ́, ə́ kaa lii a ɲą́ą́ haa pɔ pələ, yii nu huwu kəlee kaa mąąkpɔn ɉii.

Zôo 19:25

Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Ikilisiati 3:2

Nu kaai yələ kaa mą, nu haa yələ yɛ ɓo mą. Hihɛn ɉin ɲələ kaa mą, gulɔi yələ yɛ ɓo mą.

Hebreu 10:27

Kɛlaa, yii lɔ a kɛ laa, ya ɓaa, kítí wala wala da nwɔn gbɔlu yɛhɛ yɛhɛi, gaa nuąi daa di kwɛli tee, di mąą kpɔn ɉii.

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Lukə 20:32

Yili pulu, nɛ̨ɛ̨nui yaa kpɛli ə haa.