Hebreu 9:19 - Yálá laawoo hɛɓɛ (dc)

¹⁹ Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Yálá laawoo hɛɓɛ

¹⁹ Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Bible

¹⁹ Kpɛ́ni fêi, tãi Mose è kɛ̀ dɔ̂ŋ kélee lɛ̂ la ǹûai kélee dîai, è niŋa loŋ ŋãa siɣe da ƃoli-ŋãa é yá pu zu é sua-leɣa kpɔ̂lu siɣe da kpalo é ǹiŋa-loŋ-ŋãai da moli-ŋãai kpɛ́mɛŋ gɔlɔi kpîŋ ma da ǹûai kélee,

Hebreu 9:19 Referans Kwoze

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Lonon mo 19:18

Nui tɔ́n və mą, a isopə kpaɠa ta həɠə, ə nɔ ɲái tii hu, ə daɠa bɛlɛ́i tii ɓa da mu hɛnŋąą kəlee, da nuąi da kɛ laa. Da nui aa tunwɔ̨n nu kɔ́wɠaa a wala kɛ tii nui daa baa, a wala kɛ tii kámą ɓa.

Lonon mo 19:6

Ɉaláá laa həli mun ə kpitili kwɛi həɠə da isopə kpaɠa da həɠə ɓɛla kpɔluɔ gbələ tətə, ə di pili nįŋɛ̨ kələn nwɔ̨n ɉu.

Hebreu 10:4

Mąąhɔlɔɓo, niŋɛ̨ ɲąmą da ɓolu ɲąmą di hva pɛli nɛ̨ŋɛ̨nŋaa kulɔi nu ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Ɉaan 19:5

Di kulɔ a Jesus ɲɛ̨nɛ̨ɛ̨, ɲąąlən gálán ɉeɛ nwun ma, mɛlɛkpɛɛmąą hələi tii yɛ ɓo gwaną. Pilatə yɛ diɛ: «Nu kpɔ ka.»

Ɉaan 19:2

Ɉolahiɠaa di ɲąąlən gɛ a kálán di ɉee nwun ma yɛ tɔɔ ɓɔlɔ, di ɓɛlɛkpɛɛ mąą həɠə too gwaną.

Markə 15:20

Yii kɛa di yɛlɛ kulɔ kpɔ tii ɉu a di liiɓa pələ, di gbaawii kpɔlui tii kulɔ gwaną, di nwɔ həɠəɠaai too gwaną, di kulɔ la gala hu, diɛ li kɛa la gbanwoi kolɔwa ɓa.

Markə 15:17

Ɉolahiɠaa tii di gbaawii kpɔlu too Jesus kwaną, di ɲąąlən gbinįn a kalan di ɉee nwun ma.

Maafîu 27:28

Di Jesus nwɔ həɠəɠaai kəlee kulɔ gwaną, di holahi həɠə kpɔluɔ ta too gwaną.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Levetekɔ 3:6

«Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Lɛɛ gbɔwɔ ɓa 12:22

'Ka isopə kpinįn ɉəɠə, daatɛlɛɛ ɲąmąi ti ka bu ɉɛɲąŋą hu, ka nɔ ɉu, ka ɉiɛ gbon mɛ̨i da gwɛlɛ hveelɛi ɓa; ə həɠə nąąlɔwai ɓa, ɛlɛɛ ɉu yələwala, nu ta hvo kulɔ ɲəi bɛlɛ́n.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Hebreu 9:13

Mąąhɔlɔɓo, akɛ, ɓolu ɲąmą, niŋɛ̨ hilɛ ɲąmą, ɛlɛɛ, da niŋɛ̨ haa kələn nuwui ti di kɛi daɠa nuąi di mąą hvo həɠə li diɛ, ə kɛli di kɔ́lɔ ɓa mąąhəɠə;

Hebreu 9:18

Bələ lɔ ɓə gaa la, mįnɛ̨ pɔlɔi ti hva kɛ pɛli kɛi a mɛ̨nį walawala, akɛ ɲąmą hvo pu li.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.