Hebreu 9:13 - Yálá laawoo hɛɓɛ (dc)

¹³ Mąąhɔlɔɓo, akɛ, ɓolu ɲąmą, niŋɛ̨ hilɛ ɲąmą, ɛlɛɛ, da niŋɛ̨ haa kələn nuwui ti di kɛi daɠa nuąi di mąą hvo həɠə li diɛ, ə kɛli di kɔ́lɔ ɓa mąąhəɠə;

Yálá laawoo hɛɓɛ

¹³ Mąąhɔlɔɓo, akɛ, ɓolu ɲąmą, niŋɛ̨ hilɛ ɲąmą, ɛlɛɛ, da niŋɛ̨ haa kələn nuwui ti di kɛi daɠa nuąi di mąą hvo həɠə li diɛ, ə kɛli di kɔ́lɔ ɓa mąąhəɠə;

Bible

¹³ À kɛ̀ ƃoli-ŋãa da niŋa-sirɛ-ŋãa da niŋa-loŋ kɛ́ɛ dí géreŋ dí ǹúu kpɛ́mɛŋ diai dîa dímaa fé waa nii, da pɔ̂ri díkponôi maa waai,

Hebreu 9:13 Referans Kwoze

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Lonon mo 8:7

Bələi ə́ pai di mąąhəɠəi la, bələ ka: Nu mąąhəɠə yá taɠa diɛ, di kpəŋą hiɛ di kɔ́lɔ ɓa kəlee, di di mąą həɠə waa, a kɛ tii, di mąą aa həɠə.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Hebreu 10:4

Mąąhɔlɔɓo, niŋɛ̨ ɲąmą da ɓolu ɲąmą di hva pɛli nɛ̨ŋɛ̨nŋaa kulɔi nu ɓa.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Izikiɛ 44:26

Mąą nu a mąąhəɠə, da hvóló mɛ̨ihveelɛ tɛɛ bɔ.