Hebreu 9:10 - Yálá laawoo hɛɓɛ (dc)

¹⁰ Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Yálá laawoo hɛɓɛ

¹⁰ Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Bible

¹⁰ Kɛ́lɛ, díkaa nɔ́ mii-sɛŋ mɛni ma, kpele-sɛŋ, da núu-waa-pere-sii da kpɛni-ŋa, é pɛ́lɛ núu kpono ŋɔtɔ̂ŋ-ŋai dîa nyíi-ŋai da bù ǹûai dîa é lɛ́ɛ la zu mɛni maa-faleŋ tãi é seri.

Hebreu 9:10 Referans Kwoze

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Ifisiɛŋ 2:15

Kristə aa dɔn nwoo həɠə mą, da ɉu tíɓoɠaa ə mą kɛ, mąą tɔnŋaa; bələ ɓə ə paa la a liilaa, Ɉuifəɠaa da nuąi di hvo kɛ Yálá kɔlɔn di pɔ, a di kɛi ə mo a nu tanɔ̨n, a nu nįnɛ̨, gbinį lee hu.

Hebreu 7:16

ɛlɛɛ, hvo kɛ a ɉaláá laa həli mun gɛnɛ̨ɛ̨, a kulɔ nu ta huwu hu, kɛlaa ə kɛ a ɉaláá laa həli mun gɛnɛ̨ɛ̨i, huwalawala yɛnɛ̨ɛ̨i kala hvo mą, ɉáálai.

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Dutɛrɔnome 23:11

Nu ta a kɛ ka lɔwai tɔ́n ə ɓo mą, mąąhɔlɔɓo, mąą aa kala kwii héan, mąąnɛ̨ɛ̨ ə həɠə ɓɛi gɔ́ laɠa kaa laa; ɛlɛɛ hva pənə hvo pa laa.

Levetekɔ 16:24

A kpɛɛ a yili ə gbinį waa a yá gɛɛnąą mąąhəɠɛɛ ɓa; Yili pulu, nwɔ hɛnŋąąi tɔlɔɔ nee kɛ mą, ə yiliɠaa kɛ mą, ə kulɔ, ɉaláái da gəlee kələn, ə yili kulɔ, gbɔwɔ mąą mɛ̨nį ɓa, da nɔi nuą mąą mɛ̨nį ɓa.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 9:1

Mįnɛ̨ pɔlɔi ti yaa kpɛlimąn, kpaaləɠaa di kɛ ɉu, vilɛnŋąą kwɛli hvilɛn bələ ɓa, da nwɔ Yálá hee pɛlɛ́, yai kɛ ɓɛ lɔi mɛ̨i.

Hebreu 6:5

diɛi daa Yálá laa woo lɛlɛi kaa, ɛlɛɛ, da ɲɛnɛ̨ɛ̨ nįnɛ̨i gaa pai ŋą hvaŋą,

Hebreu 2:5

Mąąhɔlɔɓo, ɲɛnɛ̨ɛ̨ nįnɛ̨i gaa pai, yai gu kaa mąą mɛ̨nį ɓoi, malakaɠaa hvəə ə gɛ a di wɔɔ. Mąą mɛ̨nį ɓoɔi kɛɛnąą ta a tɛ̨ą, diɛ kɛ mą:

Dutɛrɔnome 21:6

Daa kalanɉonŋąą kəlee, diɛi tii lɛɠɛ nu powa ɓa, da di yəi waa ɲái, nįŋɛ̨ kpəla kpowo kalan nwoloɔ tii mɛ̨i.

Levetekɔ 16:4

A ɉaláá həɠə too gwąną, ə dɛmą pu mą, ə kilən ɉəɠə kwəlɛɛ pə pə too gwąną yii gaa a ɓɛlaa ləɠa, hąą yili kɔ́lɔi a ɓɛlaa ləɠa ə ɲili ɉąą, yili pulu, ə həɠə ɓɛla kwəlɛɛ yili nwun ma a ɓɔlɔ. Ɉaláá kulɔ həɠəɠaa ka tii; a gbɛa gbinį waa, yili pulu ə ɉɛnŋąą tii kɛ mą.

Lɛɛ gbɔwɔ ɓa 40:12

«Ə́ Aarɔn da nonnii di tɔɔ gee kaa kələ laaləi, ə́ di mąą waa a ya,

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Hebreu 6:2

nu mąąwaa mɛ̨nį mąą kalan, nu yee pɛlɛɛ nu nwuɔ̨, haaɓɛlaa nwun mɛ̨nį, da giti kpəli tee mɛ̨nį.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Galatə 4:9

Kɛlaa, yiihu kɛa, yii kɛa káá Yálá kɔ́lɔn, a wala kɛti, yɛ bələi aa ká kɔ́lɔn na, ká tɔɔ pələ kɛ ləi nwɔ̨nɔ̨, káá pənə káá li ɉɛn vįikpɛɛɠaa ti pɔ pələ; a diɛi tii di hvɛɠɛɛi, káá nwɔ̨nɔ̨ lɔ di yee mu, luwɔlaa nįnɛ̨ hu?

Markə 7:4

Ə mą kɛ daa həɠə lɔwɔ-kpala ŋą, di hva kɛ kɔ̨nɔ̨n mį́i a kɛ di hvo di wɔ tɔ́n tii bɔ tuwɔ ɓo li. Huwula mɛ̨nį tamąą kaa kɛ laa yii di kanąn ŋąą kɛ mą, yɛ pələi: kpələ kɔ́wɔ huwaa mɛ̨nį, da ya ləɠiɠaa waa mɛ̨nį, ləɠiɠaa, ə mą kɛ, da gəgənŋąą.

Levetekɔ 22:6

Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Lɛɛ gbɔwɔ ɓa 29:4

«Yá pa a Aarɔn da nonnii gee kaa pɛlɛ laaləi, ə́ di waa,

Lonon mo 6:3

mąą nu hva lɔɔ kpələ da kpələ hɛn lɔpee a nu nwun ɉu tinɛ̨n. Hva lɔɔ kponą lɔpee ta kpələ, hva viɲə ya kpələ, hva nwunu mįi ə mą kɛ gbala.

Hebreu 7:12

Mąąhɔlɔɓo, ɉaláá laa həliɛ mąą a hvalin nɔ, hvo kɛli di dɔ́n yaa kpɛlimąn mąąhvalin.

Levetekɔ 13:58

«Yii ɓaa həɠə ɓɛla, ə kɛ a yiihəɠə, ə kɛ a hɛn lɔpee gaa a huwɔ kɔ́lɔ, da nwaa, ɉɛn tii bɔɔ ə kɛ ɉu a kulɔ ɉu, da pənə nwɔ̨nɔ̨ di nwaa, a kɛ tii tɔ́n aa kulɔ mą.»