Hebreu 8:13 - Yálá laawoo hɛɓɛ (dc)

¹³ Da kɛi mįnɛ̨ nįnɛ̨ mɛ̨nį ɓo, dɔlɔɔ ti kɛ laa, yili aa bɔlɔ kɛ, yaan, hɛn a bɔlɔ kɛ, gbɛɛ hiɛ li.

Yálá laawoo hɛɓɛ

¹³ Da kɛi mįnɛ̨ nįnɛ̨ mɛ̨nį ɓo, dɔlɔɔ ti kɛ laa, yili aa bɔlɔ kɛ, yaan, hɛn a bɔlɔ kɛ, gbɛɛ hiɛ li.

Bible

¹³ Ɣâla kɛ́ɛ lônoi gɛ pîlaŋ Gbanaŋ-woo Kɛɛ Ninai mai, è gbanaŋ-woo-kɛɛ pɔlɔi kâa a gɛɛ bɔlɔɔi nâa ŋɔtíi fé ŋɔ́nɔ naa. Ǹyaŋ sɛŋ nyíi bɔlɔɔi ŋɔtíi fé mai gara la nɛɛ̂i.

Hebreu 8:13 Referans Kwoze

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Korɛntə dɔlɔɔ 13:8

Wɛlikɛmąąlaa hva kpɛɛ. Yálá kwəi mɛ̨nį hukulaa yaan? Gaa pai kpɛɛi. Hįiwooɠaa diɛn? Di kaa pai kpɛɛi. Mɛ̨nį kɔ́lɔnŋąa yaan? Gaa pai kpɛɛi.

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Lukə 22:20

Di kpɛɛ nwɔ̨nɔ̨ a di kɔ̨nɔ̨n mįiɛ, ə gbələ hɛnɲąŋą həɠə, ə dɛɛ di pɔ, yɛ diɛ: «Gbələ hɛnɲąŋą ŋɛ̨i kaa a mįnɛ̨ nįnɛ̨ həɠə hɛnɲąŋą, a ŋą́mą, yaai pui ka mąą mɛ̨nį ɓa.

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Hebreu 1:11

Di wɛi, haa kaa diɛ, kɛlaa, ə́ wɛi, ə́ kaa lɔ laa a yələ kəlee. A tɛ̨ą, gəlee da haɠa yɛ həɠə.

Hebreu 7:22

Yili mąą mɛ̨nį ɓa, Jesus ɓə a mįnɛ̨i tii hukɔw.

Hebreu 8:6

A tɛ̨ą, Jesus nwɛi, mɛ̨nį mąąlaai dɛɛ bɔ, gɛnɛ̨i ɲee lanŋąą gəlee mɛ̨i, gbala ə tɔɔ, gaa a mįnɛ̨ pɛlɛ́i di naakwɛlanmo gɔwɔ hvilɛn gwɛnį.

Hebreu 8:8

Kɛlaa, hɔn ə kɛ mą, ya ɓə gɛ, ə mo diɛ, yɛ kɛ: «'Ká ká ɲɛ̨i hee tai, Gaa pai kɛi a yələ ta, kwa Israɛlə pɛlɛ́i, ə mą kɛ, Ɉuda pɛlɛ́, guɔ mįnɛ̨ nįnɛ̨ həɠə.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.