Hebreu 7:1 - Yálá laawoo hɛɓɛ (dc)

¹ Mɛlkisedɛkə ti ɓə kɛ a, Salɛmə tɔɔmun, a Hɛn Gəlee Mɛ̨imun Yálá ŋą haláá laa həli mun gɛnɛ̨mun, yaa tii ɓə li Abrahamə laakwiɛn ɉii, ɓɛlɔwai yili ə həɠə la gɔ mɛ̨i, yai ə bɛlɛ dɔɔɓɛlaa diɛ; ə lúwɔ́ kɛ laa Abrahamə ɓa.

Yálá laawoo hɛɓɛ

¹ Mɛlkisedɛkə ti ɓə kɛ a, Salɛmə tɔɔmun, a Hɛn Gəlee Mɛ̨imun Yálá ŋą haláá laa həli mun gɛnɛ̨mun, yaa tii ɓə li Abrahamə laakwiɛn ɉii, ɓɛlɔwai yili ə həɠə la gɔ mɛ̨i, yai ə bɛlɛ dɔɔɓɛlaa diɛ; ə lúwɔ́ kɛ laa Abrahamə ɓa.

Bible

¹ Mɛkisɛdɛi ŋí è kɛ̀ a Salɛŋ-kaloŋ, gɛ ƃo ŋɔ́nɔ a Ŋ̀âlai Gɛ́tɛi ŋɔsâla láa soŋ-nuu, è Eberaɣɛ̃ɛ káa kulâi kɔ́ kɔ̂i nyíi è kâloŋ-ŋa da-ni paa zui, é lûwa láa ma.

Hebreu 7:1 Referans Kwoze

Hebreu 6:20

Nąą ɓə Jesus ə lɔ laa gu tɔwɔ, gu mąą mɛ̨nį ɓa. Yai gaa a ɉaláá laa həli mun gɛnɛ̨mun a yələ kəlee, yɛ Mɛlkisedɛkə.

Mise 6:6

Lə kpɔ ɓə ɲə́i gɛ́ li tɔɔi la Yai-Laa lííla? Gɛ́ li pɛlɛi la yələkɔlɔ́n ɉu Yálá kɔ́wɔ mu? A kɛ tii, ŋą́ li bɔ a haláá hɛn da gəlee kələn? Ŋą́ li kan a kwɛlan dɔ̨nɔ̨ nįŋɛ̨ɠaa?

Mąątɛ̨nɛ̨ 57:2

'Mą́ą́wɛli kaa! Yálá, mą́ą́wɛli kaa! Mąąhɔlɔɓo, ŋą́ą́ ə́ kɛ a mą́ą́ kilɛi, gɛ́ nóó ə́ koon mu, ə lɛɛ kpɔ ɉu mąąwɛli yələ ə tɛɛ.

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Mąątɛ̨nɛ̨ 78:35

Diɛ di kiliŋąhiɛ diɛ vilɛn mą, diɛ gɔlɔn diɛ kɛ Yálá kaa a di mąąkɔ̨nwɔ̨ kwɛni; diɛ kɛ yələkɔlɔn ɉu Yálá ɓə a di mąąkpɛ.

Mąątɛ̨nɛ̨ 76:2

Yálá aa gbɔwɔ lɛ Ɉuda nwɔ lɔi hu. Naa kɛnɛ̨i Israɛlə lɔi hu.

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Danîa 4:2

Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Mąątɛ̨nɛ̨ 78:56

Kɛlaa, di hvaa tee yələkɔlɔn ɉu Yálá ɓa, diɛ nwoo kwɛli, di hvo gɛ di hvo nwɔ tɔnŋaai mąąwiɛ.

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

Hebreu 7:3

Yaa ti, nąn və mą, nee hvo mą, nu ta hvo ɉuwu həɠəi kɔlɔn, ŋą yɛnɛ̨ɛ̨ gɔwɔ tɔɔi hvo mą, naa kulɔi hvo mą. Kɛlaa gɛ pələ kaa yɛ Yálá lon, yai a ɉaláá laa həli mun a yələ kəlee.

Hebreu 7:6

Kɛlaa, Melkisedɛkə hvo kɛ a Levi nu huwu ta, ə hɛn bɔwnąą hon Abrahamə yəi. Ɛlɛɛ, ə tinɛ̨n, ə lúwɔ́ kɛ nui mɛ̨nį laakwɛlanmoɔ ə kɛ a nwɔɔ, mą.