Hebreu 6:13 - Yálá laawoo hɛɓɛ (dc)

¹³ Ɓɛlɔwai Yálá ə mɛ̨nį laakwɛlanmo la Abrahamə ɓai, yɛ bələi hɛn da hvo kɛnɛ̨ li la hvo tɛɛ Yaa mą, ə gwɛla a gbɔwɔ kpinįi,

Yálá laawoo hɛɓɛ

¹³ Ɓɛlɔwai Yálá ə mɛ̨nį laakwɛlanmo la Abrahamə ɓai, yɛ bələi hɛn da hvo kɛnɛ̨ li la hvo tɛɛ Yaa mą, ə gwɛla a gbɔwɔ kpinįi,

Bible

¹³ Ɣâla kɛ́ɛ a góno tée Eberaɣɛ̃ɛ yêei, núu da fé kɛ́ ní naa a gɛ́tɛ é tɛ́ɛ Ɣâla ma a gɛɛ Ɣâla é voo ma, ǹyaŋ è vòo ǹyaa kpîŋ ma,

Hebreu 6:13 Referans Kwoze

Lukə 1:73

Yálá ə gwɛla yɛ ku kalaɓɔlɔ Abrahamə ɓa:

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Ɉeremi 22:5

Kɛlaa ka wala ka wəli tɔɔ nwóóɠaa ɓa, a tɛ̨ą, gáá gwɛlai a gbɔ́wɔ́ kpįnįi; bɛlɛ́i ŋɛ̨i kaa pai lɛɛi a pɛlɛ́ kpoloon, Yai-Laa woo li.»

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Izikiɛ 32:13

Ɉuwɔɠaa kpɔ kɛ ɲa kpɛa kpɛaɠaa kwɛlɛ, ŋą́ gəlee paa. Nu kɔ́wɔ mu tin va kɛa tɔɔ laa, huwɔ kɔ́wɔ mu tin va kɛa tɔɔ laa.

Ɉeremi 49:13

Yai-Laa woo li, gáá gwɛ́lai a gbɔ́ɔ́ kpinį lee, Bɔsra kaa pai lɛɛi a lɔi pun, a taa kpoloon, diɛ gɛ a lalan ɉɛn, da nɛ̨ŋɛ̨n naa hɛn. Daaɠaa kpɔ ɲee hu di kaa pai lɛɛi a taa kpoloon, a yələ kəlee da nwɔɔ.»

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Ɉeremi 44:26

Ə həli kɛa kaa! Ka ká wəli tɔɔ Yai-Laa woo ɓa, kaai a Ɉuda nuą, kaa ŋɛ̨i pa heei Eziptə lɔi hu. Gáá gwɛ́lai a náá mąąwia! Ɲą́ą́ Yai-Laa nwóó li! Gɛ́ diɛ: Náá hvo kɛa pai kɛi Eziptə lɔi hu Ɉuda mun da lɔpee la, yɛ kɛ diɛ: ‹Yai-Laa ɓə mo!›

Galatə 3:15

Ną́n nonnii, ká gu mɛ̨nįi ŋɛ̨i gɔɔnmąą həɠə gu yíi pələ hu; nu a nwoo kwɛlɛ, ə gwəi woo ɓo, vilɛnŋąą ginɛ̨ ɓa a neelee, di hva da həɠə mą, di hva da pɛlɛ mą.

Galatə 3:18

Mąąhɔlɔɓo, akɛ dɔ́n ɉáálai ɓə kwɛlin a hɔlɔɓo lai, akɛ tii, mɛ̨nį Yálá ə naakwɛlanmo ya hvə li. Ya pa, Yálá ə ŋą mɛ̨inɛ̨ɛ̨i kɛ Abrahamə ɓa, mɛ̨nįi ə naakwɛlanmo mą, ɉáálai.

Kɔlɔnikɔ Maa-ŋuŋ 16:16

Mįnɛ̨i da Abrahamə di ɉəɠə, yaai ə mɛ̨i lɔ Isaakə ɓa;