Hebreu 5:7 - Yálá laawoo hɛɓɛ (dc)

⁷ Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Yálá laawoo hɛɓɛ

⁷ Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Bible

⁷ Tãi Zîsɛ è kɛ̀ la ŋɔnúu-kpune-kɔlɔi sui, ǹúui pɔ̂ri è kɛ̀ mì a gɛɛ é gúla saa yêei, Zîsɛ è vɛ̀li é gbera fé a ŋ̀óo su kɛ́tɛ a ŋ́ɛi-ya, ǹyaŋ ŋ̀óo è sîŋ sòŋ, kpɛ́ni fêi, yao-maa è kɛ̀ ǹyêei Ɣâla mɛni ma.

Hebreu 5:7 Referans Kwoze

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Maafîu 27:46

Voló kɔ́wɔ kulaa mu kɛa, Jesus ə tómą kpɔ a nwoo kɛnɛ̨, yɛ mą: «Eli, Eli, lema sabaktani?» (Mukulaa ɓaa: «Nwɔ́ɔ́ Yálá, nwɔ́ɔ́ Yálá, lə mɛ̨nį ɓa ə́ ə́ kili kulɔ ɉú?»)

Markə 15:34

Nɛɛlɛ Ɉaaɓa na həliɛ kɛa, Jesus ə tómą kpɔ kɛnɛ̨ yɛ mą: «Eloi, Eloi lama sabaktani.» (Yili mukulaa ɓa: «Nwɔ́ Yálá, nwɔ́ Yálá, lə mɛ̨nį ɓa ə́ lənə mą́ą́!»)

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Ɉaan 11:35

Jesus ə wɔlɔ.

Maafîu 27:50

Yili pulu, Jesus ə tómą kpɔ kɛnɛ̨, nįį ə kulɔ.

Markə 15:37

Kɛlaa, Jesus ə tómą kpɔ kɛnɛ̨, yili pulu, ə haa.

Mąątɛ̨nɛ̨ 22:24

Kaai kpɔ ka ɲɔw Yai-Laa ɓa, 'ka mąątɛ̨nɛ̨! Kaai kpɔ a Ɉakɔbə huwu, 'ka naa tɛ! Kaai kpɔ a Israɛlə nu huwu, 'ka ɲɔw mą!

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Lukə 23:46

Nąąlɔwai, Jesus ə tómą kpɔ a nwoo kɛnɛ̨ yɛ mą: «Nąn Yálá, gáá nį́į́ tɛɛi ə́ pɔ.» Yii kɛa ə yili mo tii, nįį ə kulɔ.

Mąątɛ̨nɛ̨ 69:1

Nwələ ɲɛ̨itɔwɔmun. Yágbudɛn mɛ̨i. Davidə nwɔ wələ woo.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!

Zɔ̂ŋ Maa-ŋuŋ 4:3

ɛlɛɛ, nuą mąąkwɛli kilii a Jesus ɓɛlaɓo Yálá nwɛi hvə li, Kristə ɲowo li, yai ká bələ mɛ̨n, diɛ kɛ, gaa pai, ɛlɛɛ, gaamun hɔlɔɔ kɛa yɛnɛ̨ɛ̨.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Ɉaan 11:42

Nwɛ́i, ŋį́ gɔlɔn gbɔ gɛ́ diɛ ya nwóó mɛ̨n a hvoló kəlee. Kɛlaa gáá ə́ hvɛli nu kpului ŋɛ̨i ɓɛ mąą mɛ̨nį ɓa, ə gɛ, di laa na diɛ ya ɓə dɛɛ.»

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Mąątɛ̨nɛ̨ 88:1

Wələ, mąątɛ̨nɛ̨ wələ, hvɛ́li woo; Kore lonnii. Nwələ ɲɛ̨itɔwɔmun. Ɓɛlɔwai Ɛzra mun Heman ə kɛ la ɲɔ̨n ɉaɠa ɓa, nwɔ nu mąąkwɛli woo.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Hebreu 10:5

Yili ɓə gɛ, ɓɛlɔwai Kristə ə kɛi pa la yɛnɛ̨ɛ̨, ə mo, yɛ mą: «Haláá hɛn da kɔ́ɓo hɛn lɔpee ta wɛli hva ə́ hon, kɛlaa ə́ kɔlɔ ta tɛ mą́ą́.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.