Hebreu 5:13 - Yálá laawoo hɛɓɛ (dc)

¹³ Ɲįnį-kpələ-lon hva pɛli mɛ̨nį haŋąą gulɔ nɔwai kɔln ɉii, mąąhɔlɔɓo, naa kaa ni ɲįnį ɓa.

Yálá laawoo hɛɓɛ

¹³ Ɲįnį-kpələ-lon hva pɛli mɛ̨nį haŋąą gulɔ nɔwai kɔln ɉii, mąąhɔlɔɓo, naa kaa ni ɲįnį ɓa.

Bible

¹³ Kpɛ́ni fêi, ǹúui nɔ́ ŋɔmii-sɛŋ káa a ŋíni-yai vé táre ní Ɣâla ŋɔtɔ̃yâ-laa-wooi su, kpɛ́ni fêi, gáa nɔ́ a lôloŋ.

Hebreu 5:13 Referans Kwoze

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Timote veelɛ 3:16

Ɉɛɓɛ́ mąąhəɠɛɛ hu wooɠaa kəlee di həɠə Yálá pɔ, da pɛli nu mąąkwɛlii, diɛ nu ɲąątɔɔ a mɛ̨nį lɛlɛɛ kɛɛ, diɛ nu hutɔɔ, diɛ nu hvilɛn tələnmo pələ mɛ̨i,

Azaya 28:9

Diɛ gɛ tii, di woo laa diɛ: «Gbɛɛ ɓə yɛ́ ə́ mɛ̨nį lɛ mą? Mɛ̨nįi ə́ kaa gaai, yɛ́ ə di hukulɔ gbɛɛ ɓa? Yɛ́ ə́ mo lɛapɛɛlɛɛi daa di laa kulɔ ɲįnį ɓa a nįnɛ̨ diɛ?

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Korɛntə dɔlɔɔ 3:1

Nwɛ́i ną́n nonnii, və́ kɛ pə́lə́ ɓo li káá yɛ, nuąi Yálá ŋą kilii yee kɔnma, kɛlaa ŋą́ pə́lə́ ɓo káá yɛ nuąi nu kan gili kaa diɛ, yɛ lɛapɛlɛɛ, Kristə hu.

Korɛntə veelɛ 3:9

Akɛ dɔ́n a nu nwun na pili, ŋą kolo nwɔ mąąwiɛlaa kaa tii, gu hvo mun kɛ, tələnmolaa ŋą kolo nwɛi, yee hva mɔ̨ɔ̨ tɛɛ yili ɓa?

Korɛntə dɔlɔɔ 13:11

Gɛ́ɛ́ a lokolo, ŋą́ kɛli hvaa lɔ yɛ lokolo, gɛ́ kiliŋąhiɛ yɛ lokolo, kɛlaa, gɛ́nɛ̨ɛ̨ kɛa, ŋą́ lɛapɛlɛɛ mɛ̨nįɠaa kəlee lɛɛ laa.

Mąątɛ̨nɛ̨ 119:123

Ɲɛ̨́i kaa kpɔlɔ málo mɛ̨nį tɔwɔ a yələ kəlee, da tələnmo yɛnɛ̨ɛ̨i ə́ naakwɛlanmoi.

Markə 10:15

Gáá tɛ̨ą ɓoi kaa, nui a wala ɲee hee Yálá-taa tɔɔlaa mu yɛ lokolo, mąą nu hva pɛli lɔi Yálá-taa tɔɔlaa hu.»

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Lomaŋ 2:20

Yɛ́ ə́ kpɔwɔ kɛ a kilikpɛɛɲəi nuą kilaa ponomun, yɛ́ ɓo a lɛapɛlɛɛ mąą kwɛlimun; mąąhɔlɔɓo, ə́ laai na yɛ́ diɛ: tɔ́n gaa ə́ yəi da mɛ̨nį kɔ́lɔn ŋąą, ɛlɛɛ, da tɛ̨ą;

Zɔ̂ŋ Veerɛi 1:11

Nui a balúwɔ́ɲɛ̨n, kɛ tii aa ɲee lɔ nwɔ tuwɔ pələ ɲɔ̨n hu.