Hebreu 4:6 - Yálá laawoo hɛɓɛ (dc)

⁶ Yili ɓa, yii kpɔ yaan nwoo ə lɛ lɔ a nwoo, ɛlɛɛ, nu tɔlɔɔɠaai nwɛlɛɛ lɛlɛɛ tii mɛ̨n, di hvo lɔ, a di wɔɔ kili walawalalaa laa pɔɔ, dakpɛliɠaa da pɛli di lɔ,

Yálá laawoo hɛɓɛ

⁶ Yili ɓa, yii kpɔ yaan nwoo ə lɛ lɔ a nwoo, ɛlɛɛ, nu tɔlɔɔɠaai nwɛlɛɛ lɛlɛɛ tii mɛ̨n, di hvo lɔ, a di wɔɔ kili walawalalaa laa pɔɔ, dakpɛliɠaa da pɛli di lɔ,

Bible

⁶ Mɛni ma tãi nɔ́ gáa niî la a tɔ̃yâ a gɛɛ núu da-ni da pâi liî vii-tɔɔi sui, diai Duŋ Lɛ́lɛɛi mɛni a maa-ŋuŋ dí fɛ̀ɣɛ a díliɛ zu, kpɛ́ni fêi, wòo-mɛni fé kɛ́ ní íyeêi.

Hebreu 4:6 Referans Kwoze

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Hebreu 4:2

Mąąhɔlɔɓo, guɔ kpɛlimąn gwaa nwɛlɛɛ lɛlɛɛ hɔlɔɓo lɔ yɛ nuą tii, kɛlaa nwoo tii di mɛ̨n, dɔlɔ hvo kɛ mą di yəi, gbala ə tɔɔ, diɛi mɛ̨n, di hvo nɛɛlaa, laa na laa hvo ɉeei kulɔ di hu.

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Hebreu 4:9

Vįitɔɔ yələ ta kaa laa a Yálá nwɔ nuąi di wɔ.

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Lonon mo 14:31

Ka kwəi lonnii ŋɛ̨i ka kɛi kɛ diɛ; di kaa pai lɛɛi a kɔ́ pulu hɛn, da diɛni ɓə lɔi nɔi tii hu, yii ka mɛlɛkpɛɛ mą.

Lonon mo 14:12

Gáá di hukala ɲɔ̨n bilii di lɔwai, ɛlɛɛ ŋį́ di hvɛɠɛ di kwɛlin ɉu. Kɛlaa ə́ wɛi, gáá ə́ huwu ɓɛlɛi, ŋį́ ə́ yee kɔ́nwɔ̨n ɉu wala wala ə tɛɛ diɛ.»

Korɛntə dɔlɔɔ 7:29

Ną́n nonnii, mɛ̨nį gɛ́ ŋą́ mo kaa ya ɓa: Ɲɛnɛ̨ɛ̨ hu hvo kɛa kwɛa li, gɛ́ nuąi nɛ̨ą kaa diɛ, di di kpɔɔ kaa lɔ yɛ nɛ̨ą a wala kɛ diɛ.

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.