Hebreu 4:14 - Yálá laawoo hɛɓɛ (dc)

¹⁴ Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Yálá laawoo hɛɓɛ

¹⁴ Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Bible

¹⁴ Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Hebreu 4:14 Referans Kwoze

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 10:23

Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 6:20

Nąą ɓə Jesus ə lɔ laa gu tɔwɔ, gu mąą mɛ̨nį ɓa. Yai gaa a ɉaláá laa həli mun gɛnɛ̨mun a yələ kəlee, yɛ Mɛlkisedɛkə.

Ifisiɛŋ 4:10

Nui ŋɛ̨i yɛɛ, ya lɔ ɓə nwɔ̨nɔ̨ tɛ, yɛ laŋįn yələkɔlɔn gəlee mɛ̨i, əgɛ, ə yələ kwəi kəlee hvɛɛ.

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 10:12

Kristə nwɛi, haláá tanɔ̨n gbən mə ə gulɔ nu kanŋaa di wɔɔ nɛ̨ŋɛ̨nŋaa mąą hvaalɛɛ mɛ̨nį ɓa, ə hee Yálá yee lɛlɛɛ mɛ̨i pələ, a yələ kəlee mɛ̨nį.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Hebreu 1:8

Kɛlaa, yii ɓaa a Non nwɛi, Yaa kpinįi ə mo, yɛ: «Ə́ wɔɔ tɔɔkpəlin, oo Yálá, gaa lɔ heeni ɉeei a yələ kəlee mɛ̨nį, ɛlɛɛ, tələnmolaa ɓə ya ə́ wɔ tɔɔlai kɛ ɉu.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Lukə 24:51

Ɓɛlɔwai ə kɛi núwɔ́i tii too la diɛ, Yálá ə kɛi muhəɠə yɛ dɛ yələi pələ.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Markə 1:1

Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Korɛntə veelɛ 12:2

Ŋą́ Kristə ŋą nu ta kɔlɔn, gwɛlan bow kɔw nąąn ga, kɛlɛ ə kɛ nu kɔlɔ hu, kɛlɛ hvo kɛ ɉu? Gbaɠala hvo mą́ą́, Yálá ɓə gbaɠala kɔlɔn! Nui tii, di dɛ kpɔ yələkɔlɔn mɛ̨i yələkɔlɔn ɉu.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 6:6

ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Hebreu 7:3

Yaa ti, nąn və mą, nee hvo mą, nu ta hvo ɉuwu həɠəi kɔlɔn, ŋą yɛnɛ̨ɛ̨ gɔwɔ tɔɔi hvo mą, naa kulɔi hvo mą. Kɛlaa gɛ pələ kaa yɛ Yálá lon, yai a ɉaláá laa həli mun a yələ kəlee.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Izikiɛ 46:10

Dɔɔmun nwɛi, da diɛni da lɔ, ɓɛlɔwai da kɛi lɔ la, ə kulɔ ɓɛlɔwai da kɛi kulɔ laa.