Hebreu 2:3 - Yálá laawoo hɛɓɛ (dc)

³ gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Yálá laawoo hɛɓɛ

³ gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Bible

³ Gɛ̀ ní kwa pâi kula-pere kɛ̂i leŋ tɔŋ-kpɛ́-maa yêei, à kɛ̀ kwa kúŋɛi nàɣîŋ ƃalo-laa kɛ́tɛ kɛ́ɛ tí mɛi? Kúnuu-namui ƃe mò a maa-ŋuŋ, diai ŋ̀óo mɛ̀nii dí m̀ó kûa, dí ǹɛ a gɛɛ gáa a tɔ̃yâ.

Hebreu 2:3 Referans Kwoze

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Lomaŋ 2:3

Yɛi ə́ kaa nuą kiti teei, mɛ̨nįi ə́ kaa di kiti teei ɉu, ka diɛ ni kəlee kaa gɛ; gaa ə́ kwəi Yálá nwɔ kitii kaa pai ə́ mąąhvaalɛɛi?

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»

Taitɔ 2:11

Mąąhɔlɔɓo, Yálá ŋą mɛ̨inɛ̨ɛ̨ aa too pono ɲą, yai a nu kan gəlee ɓalo mɛ̨nį nwun gulɔi.

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Gɛlaɠaa 1:22

ə gɔwɔ tɔɔ ɓɛlɔwai Ɉaan mąąwaa la, ə həli la ɓɛlɔwai ə tɛ la yələkɔlɔn ɉu, mą, hvo kɛli nu ta ə hɔlɔɓo nuą ti lɔwai, ə too gu pɔ, ə kɛ a Jesus nwun mɛ̨nį mąą kɛla ta.»

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Markə 1:14

Ɉaan toɔ kɛa gaho ŋą, yili pulu, Jesus ə li Galile lɔi hu, nwɛlɛɛ lɛlɛɛi Yálá ə dɔɔ la, yɛ naa həli. Yɛ kɛ diɛ:

Izikiɛ 17:18

Ə nwoo lɛɛ a mįnɛ̨ həɠə-woo hu kalai ə mo, yá pa, ə ɲee hee kpɔ mu; kɛlaa ə gɛɛ kala mɛ̨nįɠaai ti kəlee kɛ; yili ɉu hva pɛli kɛ nɛ̨ɛ̨i mą.

Azaya 51:8

mąąhɔlɔɓo, hvili kaa pai di mįi yɛ həɠə, di hviliin yɛ huwɔ ləɠa. Kɛlaa nwɔ́ tələnmolaa nwɛi, gaa laa a yələ kəlee, ɛlɛɛ nwɔ́ ɓalo mɛ̨nįi ə ɓo laa a yələ kəlee da nwɔɔ.

Azaya 20:6

Nɔiɠaa ŋɛ̨i hu nuą diɛ kɛa kɛ diɛ: «Nuąi ku ɲɛ̨i heɛ kɛ di pɔ pələ, kuɔ kɛ ku ku mąąkilɛ laa, diɛ kpɔnmąą tɛɛ ku pɔ, diɛ ku kulɔ Asiri tɔɔmun ɲəi, diɛ ka; kwa pɛli kɛa kulɔ pələ kɛi ləi ɉu?»

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Maafîu 4:17

Ə həɠə kɛa nąąlɔwai ɓa, Jesus ə kɛi nuą kalan yɛ kɛ diɛ: «'Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin; Yálá-taa tɔɔlaa mąą a kpuwɔ!»

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Zûu 1:17

Kɛlaa, nwɛ́likɛmąą nuą ka wɛi, nwooɠaai gu Ną́mu Jesus Kristə nwɔ tínuą di mo kaa, ka ka kili lɛɛ ɉu.