Hebreu 2:2 - Yálá laawoo hɛɓɛ (dc)

² Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

Yálá laawoo hɛɓɛ

² Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

Bible

² Kpɛ́ni fêi, à kɛ̀ ŋ̀orɛ̂-wooi ŋ̀âla-taa-kela-ŋai dí mòi é tɔ́ɔ a gbanaŋɔɔ, ǹyaŋ tɔ̂ŋ-kara-ƃela kélee da berei woo-mɛni fé la núu-kpune yêei dí tɔ̀ŋ-kpɛ́-maa láa fɛ̂ɛ sɔlɔ ƃó.

Hebreu 2:2 Referans Kwoze

Gɛlaɠaa 7:53

Kaa ŋɛ̨i dɔ́n ɉɔlɔɓo malakaɠaa yee ɲą, ká hvo bɔ mɛ̨nį kɛ li.»

Galatə 3:19

Lə ɓə dɔ́n ə pa kani gɛi? Dɔ́n ə pa, ə nuą hɔn doo pono ɲą, ə lɛɛ ɉu, Abrahamə kwəi lon ti, di mąą mɛ̨nį laakwɛlanmo mąi, ə pa. Malakaɠaa ɓə pa dɔ́n ɉu woo laa həlii, Moisə yɛ ɓo a di lɔwai-kpəlin da nuą.

Hebreu 10:28

Nu ta a Moisə ŋą tɔ́n gala kɛ, nu hveelɛ ɉaaɓa di mąą kɛla hvaa ɓo, kɛlɛi di hva mąą nu mąąwɛlikaa, da baa-e?

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.

Dutɛrɔnome 27:26

«‹Nui hvo pai Yálá nwɔ tɔ́nŋąą ŋɛ̨i hon ɉii, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną.›

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.

Dutɛrɔnome 17:12

Kɛlaa, akɛ, nu ta a gbɔwɔ ŋąą kɛnɛ̨, ɉaláá laa həli nuą ŋɛ̨i di kaa kóló kɛi Yai-Laa ka wɔ Yálá hee pɛlɛ́ mu, mąą nu hvo túwɔ́ li yɛ bələi di mo la, awala kɛ tii, yɛ bələi giti tee mun ə mo la, mąąnɛ̨ɛ̨ di mąą nu paa. Ka mɛ̨nį ɲɔ̨n gulɔ Israɛlə lɔi hu.

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Dutɛrɔnome 17:2

Hulɔnu ta, a wala kɛ tii, nɛ̨ɛ̨nu ta a kɛ ka lɔwai, daaɠaa tii Yai-Laa ka wɔ Yálái kaa pai dɛɛi ka pɔ da hu, mɛ̨nįi ɲɔ̨nwɔ̨ɔ̨ Yai-Laa ka wɔ Yálái ɲɛ̨i ɓa, yɛ gɛ, a nwɔ mįnɛ̨i hukala pələ,

Lonon mo 25:9

Nuąi lɛɛ ɲɔ̨n tii hu, di kɛ a nu waa pow hveelɛ kɔ́w nąąn.

Lonon mo 21:6

Yili ɓə gɛ, Yai-Laa ə kaalə kpəɠiɛ kulɔ, ə ɲąątɔɔ nuą diɛ, diɛ di ɲin. Nu kpulu kɛnɛ̨ ə haa Israɛlə lonnii lɔwai.

Lonon mo 11:33

Ɉuwɔi tii ə lɛɛ lɔ di la, di hvo kpɛli ni kɛ ɲąą wolo li, Yai-Laa nwɔ liiholi ə yɛɛ nwɔ nuąi mɛ̨i, ə mɛ̨nį nwąnąą laa diɛ.

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.