Hebreu 2:1 - Yálá laawoo hɛɓɛ (dc)

¹ Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Yálá laawoo hɛɓɛ

¹ Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Bible

¹ Mɛni ma fɛ̂ɛ m̀ɛnii kú mɛ̀nii, kú kúwoli tɔ́ɔ ma kpɔ́ a gbanaŋɔɔ, à wàla kɛ́ tí kwa pâi folônii mà.

Hebreu 2:1 Referans Kwoze

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Piɛrə veelɛ 1:15

Kɛlaa, gáá gɛ pələ kwɛli mą, ŋį́ kpaalə ta tɛɛ ka pɔ, ə gɛ, ɉáá pulu, kaa mɛ̨nįɠaa ŋɛ̨i kili too ka ŋą.

Hanwon 3:21

Nón, kɛ gili-gili laa, mɛ̨nį hukpɛ kili, mąą hvo kwɛa ə́ ɲɛ̨i mu, 'hvó lɛ̨ą mɛ̨nį hveelɛi tii ɓa.

Mąątɛ̨nɛ̨ 119:9

Nui nwųnų kɔ́lɔi, a ɉiɛ pələ yɛlɛ kɛ pələ kɛ ləi? Hvo kɛli ə́ woo hon.

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Hebreu 12:5

ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Markə 8:18

Ka ɲɛ̨ikɔw kaa kaa, ka hva kɛɛ mąąkpɛɛ la, wəli kaa kaa, ka hva mɛ̨nį mɛ̨n na. Akɛti, mɛ̨nį nąą kili hva lɛɛ ka ŋą?

Maafîu 16:9

Akɛti, ka hva mɛ̨nį kpaɠala kaa? Nɛɠɛ kpuwulu nɔɔli ŋɛ̨i ŋį́ nu waa lɔɔli kɔ̨nɔ̨n gɛ la, gbaɠala hvo kaa?

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Lukə 9:44

«Mɛ̨nį ŋɛ̨i gáá moi kaa, nąą kili ə lɛɛ ka ŋą kpɔ kpaan. Di kaa pai Nu Lon tɛŋɛn gwɛlɛi nuą diɛ.»

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.