Hebreu 13:6 - Yálá laawoo hɛɓɛ (dc)

⁶ Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Yálá laawoo hɛɓɛ

⁶ Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Bible

⁶ Mɛni ma kwa pɔ̂ri m̀ôi a lii-kpele-pere kuɛi, “Kúnuu-namui káa a ŋákpɔŋ maa-nuu, fé pâi yáôi. Le ƃe núu-kpune a pɔ̂ri gɛ̂i a ńyãa?”

Hebreu 13:6 Referans Kwoze

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Mąątɛ̨nɛ̨ 124:8

Yai-Laa laa ɓə a ku mąąkɔnwɔ Yai yələkɔlɔn da lɔi di pɛli.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Mąątɛ̨nɛ̨ 56:4

Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Mąątɛ̨nɛ̨ 54:4

Ee kə Yálá! 'Ə́ wəli tɔɔ nwɔ́ hvɛli woo ɓa, 'ə́ wəli mąą laŋąn váá woo ɓa.

Mąątɛ̨nɛ̨ 33:20

Ku wɛi, ku ɲɛ̨i kaa Yai-Laa tɔwɔ, yai a ku mąąkpɔn mąąɓo, yɛ ku mąąkpɛ.

Mąątɛ̨nɛ̨ 63:7

Ŋą́ lɛɛ laani ɲə́i gbin ɉu, ŋą́ gílíɲąhiɛ yɛ́, ŋą́ kɛ lɔ ə́ hvɛliɛ ɓa.

Mąątɛ̨nɛ̨ 94:17

Yai-Laa a wala kɛ mą́ą́kpɔn mąąɓo, ɲąmuątaa ɓəli kɛ a ɉéé pɛlɛ́.

Mąątɛ̨nɛ̨ 40:17

Yiiɠaai kpɔ di kaa ə́ kwɛlii, yiliɠaai di pili yələi a kwəinɛ̨ɛ̨. Yiiɠaai ə́ wɔ ɓalo mɛ̨nįi wɛli kaa diɛ, diɛ mo a yələ kəlee diɛ kɛ diɛ: «Yai-Laa kɛnɛ̨ɛ̨i.»

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Mąątɛ̨nɛ̨ 27:9

Hvó ə́ ɲɛ̨i lɛlɛɛ loo mą́ą́, Hvó ə́ wɔ tímun pili a liiholi! Yɛ́ ɓə mą́ą́kpɔn mąąɓo, Hvó həɠə gwɛ́lɛ, hvó nɛ́ɛ́ gbɔwɔ ɓa; yɛ́i a málo Yálá.

Mąątɛ̨nɛ̨ 146:3

'Ka hvo ka kilitɔɔ tɔɔɓɛlaa diɛ, da nukanŋaa, di ta hva pɛli nu kulɔi mɛ̨nįi.

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Lɛɛ gbɔwɔ ɓa 18:4

Veelɛnąą laa ɓaa: Eliezɛrə. Mąąhɔlɔɓo, Moisə ə kɛ diɛ: «Ną́n nwɔ Yálá ɓə mą́ą́ kpɔnmąą ɓo, yɛ gulɔ Eziptə lɔi hu tɔɔmun nwɔ kɔ́ kɔ́ ɓɔwa yəi.»

Hebreu 10:19

Yili ɓa tii, ną́n nonnii, kilitɔɔmąą laa walawala kaa kani ká gu yəi, guɔ pɛli lɛɠɛi la, gɛɛnąą mąąhəɠɛɛ hva-hva ɓa Jesus ɲąmą háálai.

Samuɛlə dɔlɔɔ 23:17

yɛ mą: «Hvo ɲɔw, ną́n Saulə yee hvo pai pɛlii yɛ́; yɛ́ ɓə pai kɛi a tɔɔmun, gɛ́ ɓo ə́ pɔ, ną́n gili kaa tii ɉu.»

Tɔɔɓɛlaa dɔlɔɔ 17:8

Nąąlɔwai ɓə Yai-Laa ə kɛ la Eli ɓa: