Hebreu 13:22 - Yálá laawoo hɛɓɛ (dc)

²² Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.

Yálá laawoo hɛɓɛ

²² Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.

Bible

²² Ŋa kákpera fêi, ŋánûa, ka káwoli tɔ́ɔ ǹá-woo-ŋai ŋí dîa, kpɛ́ni fêi, ŋa kɔlɔ kpua-loŋ nɔ pɔ̃yɛ kápɔ naa.

Hebreu 13:22 Referans Kwoze

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Galatə 6:11

Ɉɛɓɛ́ kɔ́w kpɛa-kpɛaai ŋɛ̨i, ká gaai, ɲą́ą́ gbínįi ɓə bɛ̨ɛ̨ a gbɔ́kpɔɔ yee.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Ifisiɛŋ 3:3

Yálá ə nwɔ mɛ̨nį loɔ tii lɛ mą́ą́, yɛ bələi ŋį́ da wolo ɓo la káá a ɉu kpua.

Hebreu 12:5

ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Hebreu 13:19

Gáá ɉu hvɛlii káá, gɛ́ ká Yálá hvɛli mą́ą́ mɛ̨nį ɓa, ə gɛ, ŋį́ pənə ŋį́ pa ka pɔ a mąą hulaa.