Hebreu 13:13 - Yálá laawoo hɛɓɛ (dc)

¹³ 'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Yálá laawoo hɛɓɛ

¹³ 'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Bible

¹³ Mɛni ma kwaa kúla daai sú kú lí bɔ dí kú ŋɔŋumɛi da sɔlɔ ƃó.

Hebreu 13:13 Referans Kwoze

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Hebreu 12:3

A tɛ̨ą, nui ŋɛ̨i nɛ̨ŋɛ̨n ɉəɠə nuą di pɛlɛ mą, ə niikpələ, 'ká ká kiliŋąhiɛ mą, əgɛ, ɲɔ̨nwɔ̨mą a həli káá, 'ká hvįi hvo kpɛɛ.

Piɛrə dɔlɔɔ 4:4

Yili aa kɛ diɛ a kwəi pilimąą, a gaai daa mo, ká diɛni ká hvo kɛa duwɔ pələ ɲɔ̨nŋaa tii mąą gilɛ həɠəi, ɛlɛɛ, diɛ ká laa kala.

Maafîu 27:32

Di kɛɛ kulɔi a Jesus taai, diɛ li la gbanwoi, di Sirɛnə mun da kaa diɛ kɛ naa ɓa Simɔn. Ɉolahiɠaa di mo mą diɛ mą: «Pa ɓɛ, ə́ Jesus nwɔ kolɔwa həɠə.»

Lukə 9:23

Yili pulu, Jesus ə mo nu kpului tii kɛ nąą diɛ, yɛ diɛ: «Akɛ nu ta kaa bɔ ə hvilɛn bului, hvo kɛ li mąą nu ə lənə gbɔwɔ ɓa, ə ɉaa wulu həɠə a hvóló kəlee ə hvilɛn búlú.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 12:4

'Ká hvo nii kpɛli lɛɛ li, gɔi ŋɛ̨i kɔi ká nɛ̨ŋɛ̨n ni, a liikpələ laa, ká ɲąmą hvo pu,