Hebreu 12:5 - Yálá laawoo hɛɓɛ (dc)

⁵ ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Yálá laawoo hɛɓɛ

⁵ ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Bible

⁵ Ka nia nii-kpele-wooi ma nyíi a kátòli a Ɣâla-lonii? “Ǹóŋ, ífe íŋɛi nàɣîŋ Kúnuu-namui ŋɔtɔŋ-kpɛ́-maai mɛi, kpaa máŋ ífii fé kpɛɛ à kɛ̀ à tɔ̂ŋ kpɛ̀ yâ.

Hebreu 12:5 Referans Kwoze

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Mąątɛ̨nɛ̨ 119:109

Bələ nwun na pili mɛ̨nį hɛlɛnŋąąi kɛ nwún mɛ̨i, Kɛlaa, vá lɛ̨ą ə́ wɔ tɔn nwooi ɓa.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 118:18

Gaa a tɛ̨ą, Yai-Laa ə ɉútɔɔ, Kɛlaa yaamun, hvo gwɛ́lɛ haa ɓa.

Hebreu 12:7

Ka hutɔɔ mɛ̨nį a nɛlɛɛ ka ti ka káá mąą mɔ̨nɔ̨ mįi. Ká kɛ mɛ̨nį a Yálá lonnii ɓə a ká hutɔɔ. Lon nəi ɓə nąn va ɉutɔɔ?

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Hanwon 4:5

Kili mɛ̨nį kwɛli, da nwun gɛ ɉu mɛ̨nį. 'Hvó lɛ̨ą nwɔ́ liɛwooɠaa diɛ, 'hvó ə́ pulu tɔɔ mą.

Mąątɛ̨nɛ̨ 119:83

Gúlaai wɔlɔ kɛ ɓálá haɠa ɓa, Kɛlaa, və́ lɛ̨ą ə́ lííɓa mɛ̨nįɠaa diɛ.

Mąątɛ̨nɛ̨ 119:16

Ə́ liiɓa mɛ̨nįɠaa kaa a nííɓa mɛ̨nįɠaa, vá lɛ̨ą ə́ woo ta ɓa.

Zôo 34:31

Gbəli hu, nu ta a kɛ Yálá ɓa: «Ŋą́ą́ nwɔ́ gahoi kpɛɛ, vá kɛa nɛ̨ŋɛ̨n ɉəɠə,

Lukə 24:6

Jesus hvo ɓɛ, aa pənə aa kɛ a vúlu. Mɛ̨nįi ŋɛ̨i ə mo kaa ɓɛlɔwai ə kɛ la Galile lɔi hu, ka ka kiliŋąhiɛ ma.

Lukə 24:8

Jesus woo tii nąą kili ə too di ŋą.

Mąątɛ̨nɛ̨ 119:67

Gɛɛ kpɔwɔ mąąyɛɛ hvo lɔ ɉú, ŋį́ kɛi lan, yiihu kɛa, gáá ə́ wɔ tɔn nwooiɠaai hon ɉii.

Woolaa 3:39

A kɛ tii, nu a kɛ yɛnɛ̨ɛ̨, lə mɛ̨ni kpɔ ɓə nu a pɛli nwoolaai ɉu? Nu kəlee ə nwoolaa gbɔwɔ kɛ hɔn mąą mɛ̨ni ɓa.

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Timote dɔlɔɔ 1:20

Nuąi tii lɔwai, taɠaa ɓaa: Himene da Alɛsandrə. Ŋą́ą́ di kwɛlɛ ɓilihi ɓa, ə gɛ, di hvo kɛa Yálá lalan nwoo ɓo.

Hebreu 13:22

Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.