Hebreu 12:25 - Yálá laawoo hɛɓɛ (dc)

²⁵ Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Yálá laawoo hɛɓɛ

²⁵ Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Bible

²⁵ Ka gáa a gɛɛ ǹúui gáa lônoi, káfe káyee kùla mu. Kpɛ́ni fêi, à kɛ̀ diai díyee kùla ǹúui mu nyíi dília-woo ƃò ǹɔii ma ƃɛi, dífe kula ni tɔŋ-kpɛ́-maa su, gɛ̀ ní kûa máŋ kwa pɔ̂ri kɛ̂i leŋ tɔŋ kpɛ-maa su, à kɛ̀ kwa kúyee kùla ǹúui mu nyíi gáa Ɣâla-taa gɛ́ kúlia-woo ƃòi.

Hebreu 12:25 Referans Kwoze

Hebreu 8:5

Kɛlaa, ɉaláái di kɛi naa həlii, di kɛi lɔ naa həli hɛn mąąnįnįnŋaa, a mɛ̨nį neelee gaa yələkɔlɔn ɉu gulɔ mąą, yɛ bələi, Yálá ə ɉɛnŋaa tii kiliin na Moisə ɓa, yɛ kɛ mą, həɠə kələ tɔɔ; yɛ mą: «Ə́ ɲɛ̨i hee, 'Ə́ gɛ kpɔlɔɔ yɛ bələi ŋą́ mąąnįnįn dɛɛ la ə́ pɔ ɲee nwuɔ̨.»

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Dutɛrɔnome 30:17

Kɛlaa, akɛ, ka ka pulu tɔɔ mą, ka ka kili kulɔ nwoo hu, ka nɛɛ laa di ka ɲąąhɛŋi kaa kwɛli hvilɛn haliɠaa diɛ, kaa tí diɛ;

Lɛɛ gbɔwɔ ɓa 20:22

Yai-Laa yɛ Moisə ɓa: «Mɛ̨nįi ŋɛ̨i ɓo Israɛlə lonnii diɛ, yɛ diɛ: ‹Kaa kpinįi kaa gaa, kaa diɛ: Yələkɔlɔn ɉu ɓə ŋą́ lɛɛ laa, gɛ́ pələ ɓo kaa.

Maafîu 8:4

Yili pulu Jesus yɛ mą: «'Hvó mɛ̨nįi ŋɛ̨i ɓo nu ta ɓa. Kɛlaa, li ə́ ə́ kpɔɔ lɛ ɉaláá laa həli mun ma, yɛ mą: Gɔ́lɔi aa pono. Ɛlɛɛ, ɉaláá yii Moisə ə vaaɓo, ə́ gulɔ. Ə gɛ, nu kəlee di gɔlɔn diɛ: Ə́ kɔ́lɔi aa pono, ə́ mąą aa həɠə.»

Hanwon 8:33

Mɛ̨nįɠaai gáá ka kili pui ɉu, ka hvo ɓo mą ka hvo doo. Ka kanąn mą, ka kɛ a kilimąą nuą.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Hanwon 1:24

Yii kpɔ ŋą́ą́ ka təli, kaa diɛ kpaa, ŋą́ą́ ɲéé haŋąn nu ta hvo ɉon ni,

Kɔlɔnikɔ Veerɛi 7:19

Kɛlaa, ka ká pulu tɔɔ mą́ą́, kaa nwɔ́ tɔ́n nwooɠaa da bɔ liɛwooɠaa lɛɛ, yai ŋį́ naa ka ɲɛ̨i, kaa hvilɛn haliɠaa pulu, kaa kwɛli hvilɛn diɛ;

Tɔɔɓɛlaa dɔlɔɔ 12:16

Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Zasua 22:16

diɛ kɛ diɛ: «Yai-Laa nwɔ nu huwui kəlee woo ka: Lə ɓə kɛ yaai, ka káá kulɔi Israɛlə Yálá pulu, kaa ka mąąkwɛa Yai-Laa ɓa háákələi? Kaa haláá kulɔi tɔɔ a kaa kpinįi ka wɔɔ, ɛlɛɛ, kaa ka kwɛli tee la tii Yai-Laa ɓa háákələi?

Lonon mo 32:15

Akɛ ka wala gɛ ka hvo hvilɛn bulu, gaa nwɔ̨nɔ̨ pai Israɛlə lamui nii nɔi pun ɉu, ɛlɛɛ nu huwui ŋɛ̨i kəlee nwun na pili mɛ̨nį wulu yɛ lɛɛ ka nwuɔ̨.»

Lɛɛ gbɔwɔ ɓa 16:29

Mąąnɛ̨ɛ̨ ka gɔlɔn kaa Yai-Laa aa túwɔ́ hvoló tɛɛ ka pɔ, ə gɛ ka ka hvįįtɔɔ. Yili ɓə gɛ, voló mɛ̨ida yələ, a hvóló hveelɛ kɔ̨nɔ̨n dɛɛ ka pɔ. Yili ɓa, nu kəlee ə lɛɛ ɉeei, nu ta hvo kulɔ bɔɔli a voló mɛ̨ihveelɛ yələ.»

Timote veelɛ 4:4

Di kaa pai di wəli kulɔi tɛ̨ą woo hu, diɛ di wələ tɔɔ lɛɛ mɛ̨nįɠaa diɛ.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Gɛlaɠaa 7:35

«Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Izikiɛ 5:6

Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Ɉeremi 11:10

Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Azaya 48:6

Mɛ̨nįi ŋį́ nɛɛ kwɛaala ŋį́ ɉukulɔ, ka bələ mɛ̨n, yii kɛa mɛ̨nįi tii aa həli, ka ka yee heee mu. A kɛ tii kaa kpɛli, ka hvo mɔ̨ɔ̨ pai naa həlii? Gáá kɛa mɛ̨nį nįnɛ̨ɠaa hukulɔi kaa yiihu, yiliɠaai di kɛ ɲéé pulu, hvo kɛ di kɔ́lɔn.

Hanwon 15:32

Nui a mąąkwɛli woo pili, a tɛɠɛ ɓo gbɔwɔ hu, nui a nwəli tɔɔ gilaa pɔ̨nɔ̨ woo ɓa, a kili hɔlɔɓo.

Hebreu 3:17

Gbɛɛ nuą ɓə Yálá ə niiɲąąnwąną diɛ kwɛlan bow nąąn ɲee mu? Kɛlɛi nuąi nɛ̨ŋɛ̨n ɉəɠə, diɛ ɓə-é! Diɛ ɓə di powa ə pu nɔi pun ɉu.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

M̀ɛni-lɛɛi 22:9

Kɛlaa, yɛ mą́ą́: «'Hvó kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii a Yálá kwəi mɛ̨nį hukulɔ nuą di mąą mɛ̨nį ɓa, ɛlɛɛ, da nuąi da di yee kąnąn ɉɛɓɛ́i ŋɛ̨i hu wooɠaa diɛ. Yálá ɓə mąąnɛ̨ɛ̨i di gwɛli hvilɛn mą.»

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Dutɛrɔnome 18:19

Mɛ̨nįɠaai nui tii kaa pai kɛi moi diɛ náá hu, nui a wala gɛ hvo nwəli tɔɔ mą, ɲą́ą́ gbinįi ɓə ŋą́ mąą nu hutɔɔ.

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Hebreu 12:19

túlú woo ɛlɛɛ, hį́iwoo; nuąi ə too di wəlii, di hvo gɛ di hvo mɛ̨n.

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,