Hebreu 12:24 - Yálá laawoo hɛɓɛ (dc)

²⁴ Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Yálá laawoo hɛɓɛ

²⁴ Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Bible

²⁴ Ka pá Zîsɛ pɔ nyíi gáa a kúloa-nuu kwa Ɣâla-ni gbanaŋ-woo-kɛɛ ninai mɛni ma da ŋãa kpɛmɛŋɔɔi nyíi a lôno a ǹɛ́lɛɛ é tɛ́ɛ Ebɛɛ ŋãa mai.

Hebreu 12:24 Referans Kwoze

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 8:6

A tɛ̨ą, Jesus nwɛi, mɛ̨nį mąąlaai dɛɛ bɔ, gɛnɛ̨i ɲee lanŋąą gəlee mɛ̨i, gbala ə tɔɔ, gaa a mįnɛ̨ pɛlɛ́i di naakwɛlanmo gɔwɔ hvilɛn gwɛnį.

Zɛnɛse 4:10

Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Lukə 22:20

Di kpɛɛ nwɔ̨nɔ̨ a di kɔ̨nɔ̨n mįiɛ, ə gbələ hɛnɲąŋą həɠə, ə dɛɛ di pɔ, yɛ diɛ: «Gbələ hɛnɲąŋą ŋɛ̨i kaa a mįnɛ̨ nįnɛ̨ həɠə hɛnɲąŋą, a ŋą́mą, yaai pui ka mąą mɛ̨nį ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Lɛɛ gbɔwɔ ɓa 24:8

Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 9:21

Yili pulu, ə pənə ə ɲąmąi ti ta taɠa ɉəɠə-kələ ɓa, da ɉɛnɲąŋąɠaai di kɛi ɉaláá kulɔ la, mą;

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 7:22

Yili mąą mɛ̨nį ɓa, Jesus ɓə a mįnɛ̨i tii hukɔw.

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Markə 14:24

Jesus ə mo diɛ, yɛ diɛ: «Yii kaa a ɲą́mą, ŋą́mą yii gaa a mįnɛ̨ ka Yálá ni ka lɔwai. Gaa a ŋą́mą yii gaa pai pui nu tamąą mąą mɛ̨nį ɓa.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Hebreu 8:8

Kɛlaa, hɔn ə kɛ mą, ya ɓə gɛ, ə mo diɛ, yɛ kɛ: «'Ká ká ɲɛ̨i hee tai, Gaa pai kɛi a yələ ta, kwa Israɛlə pɛlɛ́i, ə mą kɛ, Ɉuda pɛlɛ́, guɔ mįnɛ̨ nįnɛ̨ həɠə.

Levetekɔ 1:5

Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.

Galatə 3:20

Yaan, lɔwai-kpəlin mɛ̨nį hva ɓo, akɛ nu tɔ̨nɔ̨ lɔ ɓə, Yálá yaan, ə ɓo lɔ tanɔ̨n gbən.

Hebreu 8:13

Da kɛi mįnɛ̨ nįnɛ̨ mɛ̨nį ɓo, dɔlɔɔ ti kɛ laa, yili aa bɔlɔ kɛ, yaan, hɛn a bɔlɔ kɛ, gbɛɛ hiɛ li.

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,