Hebreu 11:3 - Yálá laawoo hɛɓɛ (dc)

³ Laa na laa háálai ɓə, gu gɔlɔn na guɔ kɛ, Yálá ə yɛnɛ̨ɛ̨ pɛli a naa woo, hɛnŋaai kaa hvo kɛ diɛ, diɛ hvo kulɔ li, yiiɠaa kaa hvo diɛ, ɉu.

Yálá laawoo hɛɓɛ

³ Laa na laa háálai ɓə, gu gɔlɔn na guɔ kɛ, Yálá ə yɛnɛ̨ɛ̨ pɛli a naa woo, hɛnŋaai kaa hvo kɛ diɛ, diɛ hvo kulɔ li, yiiɠaa kaa hvo diɛ, ɉu.

Bible

³ Laa-la sârai ƃe kwa târe la zu a gɛɛ Ɣâla è ŋ̀éniɛi kpɛ̀tɛ a ŋ̀óo, ǹyaŋ zãâi kwa díkâai é díkpɛ̀tɛ a zãâi kúfa díkàai.

Hebreu 11:3 Referans Kwoze

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Piɛrə veelɛ 3:5

Yii da kɛ lɛ̨ąi mą, ya ɓaa: Yálá aa wɔlɔ yələkɔlɔn da lɔi di pɛli, a naa woo, ɉu aa kwɛa, lɔi ə kulɔ yai, di bɛli a ya.

Ɉaan 1:3

Nwoo tii ɓə Yálá ə hɛn gəlee pɛli la. Hɛnŋąą kpɔ yɛnɛ̨ɛ̨, da hvo pɛli li nwoo tii tɛɠi.

Lomaŋ 4:17

Yɛ bələi bɛ̨ɛ̨ la Ɉɛɓɛ́ hu, yɛ mą: «Ŋą́ą́ ə́ kɛ a huwu tamąą di nąn.» Abrahamə kaa a gu nąn Yálá ti ə laa na ɲɛ̨i ɓa, Yai a haa nuą kɛ a di vulú, hɛn hvo yɛnɛ̨ɛ̨ yɛ gɛ laa.

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Korɛntə dɔlɔɔ 2:7

Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Timote dɔlɔɔ 4:5

A tɛ̨ą, Yálá laa woo, da hvɛli woo a mąąhəɠə.

Hebreu 6:5

diɛi daa Yálá laa woo lɛlɛi kaa, ɛlɛɛ, da ɲɛnɛ̨ɛ̨ nįnɛ̨i gaa pai ŋą hvaŋą,