Hebreu 11:26 - Yálá laawoo hɛɓɛ (dc)

²⁶ Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Yálá laawoo hɛɓɛ

²⁶ Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Bible

²⁶ È làa la a gɛɛ mɛni-solii è gàa Kôrai mɛni mai, é kɛ̀ a tɔɔ-sɛŋ kɛ́tɛ é tɛ́ɛ la Ize-tɔɔ-sãai dîa, kpɛ́ni fêi, ŋ̀ɛi è kɛ̀ vela-féi perêi.

Hebreu 11:26 Referans Kwoze

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Hebreu 2:2

Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Lukə 14:14

Akɛ yá yili kɛ, nwun na nɛ̨ɛ̨mun maa a yɛ́. Mąąhɔlɔɓo, hɛn da hvo di yəi, di hvo gwələ kulɔi. Kɛlaa da gwələ kulɔ yɛ́ a telmo nuą nwun ɲələ, diɛ kulɔ haaɓɛlaa lɔwai.»

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Mąątɛ̨nɛ̨ 37:16

Ɉɛn goloi tələnmomun ɲəi, vialaɓɔɔ tɛɛ nɛ̨ŋɛ̨n ɉəɠə nuą du wɔ hɛn gɔwi ɓa.

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Hebreu 13:13

'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Hebreu 10:33

da a kɛ, diɛ ka lalan nu kpulu hu, diɛ ɓáá kulɔ káá; nuąi di kaa di mɔ̨nɔ̨ɓoi tii, káá di mąą liihɛlɛn ɉee.

Filipə 3:7

Kɛlaa, mɛ̨nįɠaai ti kɛ ɲɛ̨́i ɓa yɛ tɔ̨nɔ̨ kɛnɛ̨ɛ̨, Kristə mąą mɛ̨nį ɓa, ŋą́ą́ yiliɠaai kaa kɛa yɛ yee lɛɛ ɉu;

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Maafîu 10:41

Nui a ɲee hee Yálá kwəi mɛ̨nį hukulɔ nuą ŋɛ̨i ta mui, mąąhɔlɔɓo, Yálá kwəi mɛ̨nį hukulɔ mun ni, mąą nui a vɛla hɔlɔɓo yɛ Yálá kwəi mɛ̨nį hukulɔ mun. Nui a ɲee hee nu haŋąą ta mu, mąąhɔlɔɓo, ɉaŋąąi Yálá ɲɛ̨i ɓa, mąą nu a mąą hvɛla hɔlɔɓo Yálá yəi.

Maafîu 6:1

«Ka gɛ a nɛlɛɛ, ka hvo ka wɔ kalan non naa, mąą túwɔ́ pələ kulɔ nuą ɲɛ̨i ɓa, ə gɛ, di ka káá. Akɛ ka gɛ tii, ka Nąn Yálái yələkɔlɔn ɉu, hva kɛa ka hvɛla kulɔ.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Hanwon 23:18

Mąąhɔlɔɓo, yili ɓə ə́ tinąą kaa ɉu, ɛlɛɛ, ə́ wɔ kilitɔɔi hva kala.

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Mąątɛ̨nɛ̨ 69:7

Nąmu Yai-Laa Mɛ̨nį Kəlee ŋą Hééɓomun, nuąi da di kilitɔɔ yɛ́, 'gɛ́ nwumɛ̨ hvo tɛ diɛ, mą́ą́ mɛ̨nį hu, ɛlɛɛ, nuąi da ə́ kwɛli, 'gɛ́ ɓáá hvo kulɔ diɛ, Israɛlə nwɔ Yálá.

Rutə 2:12

Gɛ́ Yai-Laa a Israɛlə nwɔ Yálá, yai ə́ pa ə́ mąąkilɛi vaŋąn mu, ə ə́ túwɔ́ pələi tii hvɛla kulɔ.»

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

Lukə 14:33

Jesus yɛ nwɔ̨nɔ̨ diɛ: «Yili ɓə gaa mą, ka ta hva pɛli kɛi a nwɔ́ kalan non, akɛ hvo lənə li gbɔwɔ ɓa da ɉɔlɔɓo hɛnŋąą kəlee.»