Hebreu 11:23 - Yálá laawoo hɛɓɛ (dc)

²³ Laa na laa háálai ɓə gɛ, Moisə hɔlɔɓoɔ, gaa-nuą di noo ɲąnįn ɉaaɓa yee mu. Mąąhɔlɔɓo, di di lon nɛlɛɛi kaa, ɛlɛɛ, di hvo ɲɔw tɔɔmun nwɔ tɔ́n ma.

Yálá laawoo hɛɓɛ

²³ Laa na laa háálai ɓə gɛ, Moisə hɔlɔɓoɔ, gaa-nuą di noo ɲąnįn ɉaaɓa yee mu. Mąąhɔlɔɓo, di di lon nɛlɛɛi kaa, ɛlɛɛ, di hvo ɲɔw tɔɔmun nwɔ tɔ́n ma.

Bible

²³ Laa-la sârai, tãi dí Mose maa sɔlɔ ƃô lai, ŋɔnûa dí ǹoo a ɣáloŋ saaƃa, kpɛ́ni fêi, dí gàa a gɛɛ è kɛ̀ a kɔatara lɛ́lɛɛ. Dífe kɛ́ ní yaôi gâloŋ ŋɔtɔ̂ŋ ma.

Hebreu 11:23 Referans Kwoze

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:16

«Ka lɛɛ Hebreu nɛ̨ąą tii ta kwɛlɛ, yɛ kwəinwąną kɛ, non a kɛ a hulɔnu, 'ka baa. Akɛ a nɛ̨ɛ̨nu, 'ka nɛɛ a vulú.»

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Gɛlaɠaa 7:20

Nąąlɔwai ti ɓə Moisə ə hɔlɔɓo la, ə kɛ a lokolo lɛlɛɛ Yálá ɲɛ̨i ɓa. Ɲąnįn ɲąąɓa ɓə ə gɛ nąn ɲəi bɛlɛ́n.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Mąątɛ̨nɛ̨ 118:6

Yai-Laa kaa búlu, va ɲɔw, lə kpɔ ɓə nukan a pɛli gɛi a ɲą́ą́?

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Mąątɛ̨nɛ̨ 56:4

Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.