Hebreu 11:16 - Yálá laawoo hɛɓɛ (dc)

¹⁶ A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Yálá laawoo hɛɓɛ

¹⁶ A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Bible

¹⁶ Kɛ́lɛ, yɛ̂ɛ berei gáa lai, da ŋ̀wɛ̂lii dí lɔii lɛ́lɛɛ sɔlɔ ƃó, ǹyaa ƃa Ɣâla-taa ŋɔ̂i. Mɛni ma ŋumɛ fé Ɣâla ŋ́ɛi a gɛɛ dí dóli a Díɣâla, kpɛ́ni fêi, a taa-lee su kpɛtɛ dímɛni ma.

Hebreu 11:16 Referans Kwoze

Hebreu 13:14

Mąąhɔlɔɓo, ɓɛ lɔi mɛ̨i, taa ta hvo ɓɛ a gu hee taa, kɛlaa gu hee taai laa, ya ɓə gu kaa lii bɔ pələ.

Hebreu 11:10

Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Filipə 3:20

Kɛlaa gu wɛi, gu kaa a yələkɔlɔn ɉu hee ɓo nuą, gu kaa ɓɛ lɔi mɛ̨i, guɔ gu nwun mąąɓomun Ną́mu Jesus Kristə mąąkpɔn,

Ɉaan 14:2

Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Hebreu 2:11

Mąąhɔlɔɓo, mąąhəɠə kɛmun, da nuąi a di mąąhəɠə, di nąn gaa tanɔ̨n; yili ɓa, hva pɛli nwumɛ̨i kɛi diɛ: Ną́n nonnii,

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Hebreu 11:14

Gbala ə tɔɔ nuąi da hvaa tii, da nɛ kpɔ a ɉu ponoɔ diɛ, di kaa di hee lɔi kwɛlii;

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Gɛlaɠaa 7:32

‹Ɲą́ą́ ɓə a ə́ kalaɓɔlɔni di wɔ Yálá, diɛi ɓaa: Abrahamə, Isaakə da Ɉakɔbə.› Moisə mąą kpəlin bələ, hvo kɛa pɛli nąą kaai.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Lɛɛ gbɔwɔ ɓa 4:5

Yai-Laa, yɛ Moisə ɓa: «Yá li, yili ɓə yá gɛ Israɛlə nu huwu ɲɛ̨i ɓa, ya ɓə a gɛ di gɔlɔn diɛ ŋį́ gbɔ́wɔ́ lɛ yɛ́, ɲą́ą́ ŋɛ̨i gáá a di nąnni Abrahamə, Isaakə da Ɉakɔbə di wɔ Yálá.»

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Lukə 20:37

Haa ɓɛlaa nwun mɛ̨nį nwɛi, Moisə ə yili mo kpɔ a ɉu ponoɔ̨, ɓɛlɔwai ə kɛi nwɔ̨n nən mąą mɛ̨nį pɛ̨ɛ̨ laa nwɔ hɛɓɛ́i hu; yɛ kɛ Ną́mu Yálá laa ɓa a: ‹Abrahamə nwɔ Yálá, Isaakə nwɔ Yálá da Ɉakɔbə nwɔ Yálá.›

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Hebreu 11:40

Hvo gaai, Yálá ə mɛ̨nį lɛlɛɛ mąą kili tee gwəi nwɔ̨nɔ̨ a gu wɔɔ, ya ɓaa, mąą hvo nɛ̨ɛ̨li, di hvo həli mɛ̨nį kəlee laa kulɔi ɓa, gu tɔwɔ.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.