Hebreu 11:12 - Yálá laawoo hɛɓɛ (dc)

¹² Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.

Yálá laawoo hɛɓɛ

¹² Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.

Bible

¹² Mɛni ma surɔ̂ŋ tɔnɔ è nyíi kɛ̀ a bɔlɔɔ kpɔ́ a kɛ́ pâi saâi, núu-suu é kùla gbonôi nyíi zu-ƃelai dí kɛ̀ a dítamaa kpɔ́ yɛ̂ɛ bɛmɛlɛŋ-kao-ŋai díkaa ŋ̀elei sui da ŋɛyãai gáa yúo ma nyíi núu fa pɔ̂ri ǹónôi.

Hebreu 11:12 Referans Kwoze

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 32:12

Nɛ̨ɛ̨i Yɛ́, nwún mąąɓo níɛ Esau yəi, mąąhɔlɔɓo, gáá ɲɔwi mą, hvo pa ku paa, ɲą́ą́, nɛ̨́ą da nɛapɛlɛɛ.

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

M̀ɛni-lɛɛi 20:8

Ɛlɛɛ, gaa pai lii ə hįi lɔiɠaai yɛnɛ̨ɛ̨ nwonwo nąąn ma, ə nuą ɲąąhɛn, Gɔgə ɛlɛɛ, Magɔgə. Gaa pai di ɲąąkpɔn ɉii, kɔ́ kɔ́ mɛ̨nį ɓa, di lonon gwɛnį kaa pai kɛi yɛ gboloyá hu ɲɛ̨ą kɔw.

Azaya 10:22

Israɛlə, ə mą kɛ, ə́ wɔ nuąi tamąąi yɛ gboloyá hu ɲɛ̨ą kɔ́w, gbəli wolo lɔ ɓə a pənə ə pa; daa ka hukala mɛ̨nį mąą kili tee di kwəi, yili ɓə pai giti mɛ̨nį ɲɛ̨i kulɔi, yɛ pɛli ɉu.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Nehemi 9:23

Ə́ lɔiɠaa tɛɛ di pɔ, yɛ́ yələkɔlɔn ɉu pɛmɛ̨lɛ̨n gɔwɠaa, nɔi ə́ kɛ di nąnni diɛ də li di hee ɉu, də li di hee mąą lɔi hu.

Kɔlɔnikɔ Maa-ŋuŋ 27:23

Nuąi di kaa kwɛlan ə kɛ pow hveelɛ, da yiiɠaai kɛ di wɛi toɔ mu, Davidə hvó yiliɠaa lonon. Mąąhɔlɔɓo, Yai-Laa aa ta kɛ diɛi: Gaa pai Israɛlə nu huwu tamąi yɛ yələi pɛmɛ̨lɛ̨n-gɔwɠaa.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Samia Veerɛi 17:11

Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Samuɛlə dɔlɔɔ 12:5

Samuɛlə yɛ diɛ: «Yai-Laa ɓə a ka gu lɔwai kɛla; da nui ə ɉee a tɔɔmun, háákələi, ka hvo hɛn da kaa li ɲə́i.» Di kəlee diɛ mą: «Ya kpɔ ɓə a gɛla.»

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Zasua 11:4

Nuąi tii di kulɔ da di wɔ kɔlaɠaɠaa kəlee, nu kpulu hu kɛnɛ̨i kɛ yɛ gboloyá kwɛlɛ ɲɛ̨ą kɔ́w. Hoo kpulu kɛnɛ̨ da kɔ́ kɔ́ wotolo kpulu kɛnɛ̨ ə kɛ di yəi.

Dutɛrɔnome 28:62

Ka lɔwai nu kpulu wolo tííkpə lɔ ɓə pai lɛɛi, kaa kpɔ ŋɛ̨i ka wɔ taaɠaa tamąą yɛ yələkɔlɔn ɉu pɛmɛ̨lɛ̨n-gɔwɠaa, ka wala pa gɛ ka hvo ka wəli tɔɔ Yai-Laa ka wɔ Yálái woo ɓa,

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Habakukə 1:9

Di kaa pai too mɛ̨i kɛ mɛ̨nį ɓa; di ɲɛ̨i kpanwoɔi lɔ di tɔwɔ, diɛ pa yɛ tulɔ hvaŋą. Da luwɔɠaai kpɔn gee ɓa yɛ ɲɛ̨ą kɔ́w.