Hebreu 11:10 - Yálá laawoo hɛɓɛ (dc)

¹⁰ Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Yálá laawoo hɛɓɛ

¹⁰ Mąąhɔlɔɓo, taai dɔɔ mun, da ɲɛlɛkmun gaa a Yálá kpinįi, ya ɓə Abrahamə ə kɛli mąąkpɔn.

Bible

¹⁰ Kpɛ́ni fêi, è kɛ̀ daa-leei perêi kâai nyíi gɔ́ɔ-pîlanii è kɛ̀ mai, nyíi dɔɔ-nuu da gbɛtɛ-nuu káa a Ɣâlai.

Hebreu 11:10 Referans Kwoze

Hebreu 13:14

Mąąhɔlɔɓo, ɓɛ lɔi mɛ̨i, taa ta hvo ɓɛ a gu hee taa, kɛlaa gu hee taai laa, ya ɓə gu kaa lii bɔ pələ.

Filipə 3:20

Kɛlaa gu wɛi, gu kaa a yələkɔlɔn ɉu hee ɓo nuą, gu kaa ɓɛ lɔi mɛ̨i, guɔ gu nwun mąąɓomun Ną́mu Jesus Kristə mąąkpɔn,

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Hebreu 3:4

Pɛlɛ́ lɔpee gəlee, dɔɔ mun gaa mą, ɛlɛɛ, hɛn gəlee pɛlimun maa a Yálá.

Ɉaan 14:2

Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Azaya 14:32

Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.