Hebreu 10:34 - Yálá laawoo hɛɓɛ (dc)

³⁴ Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Yálá laawoo hɛɓɛ

³⁴ Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Bible

³⁴ Kpɛ́ni fêi, maloŋ-kaa è kɛ̀ káyêei ǹuɛ-ŋai mɛni ma, ǹyaŋ ká káyee sèe mu a lii-nɛ̃ɛ a gɛɛ dí kákɔ̂liŋ kúla káyêei, kpɛ́ni fêi, ká kɛ̀ a gɔ́lɔŋɔɔ a gɛɛ kɔ̃liŋ lɛ́lɛɛ káa káyêei nyíi gáa nɔ́ naa wɔlɔ-wɔlɔ da wɔlɔ-wɔlɔi.

Hebreu 10:34 Referans Kwoze

Piɛrə dɔlɔɔ 1:4

a kwɛlin ɉɛn hva kpɔ pɛli kalai, hva kɔhɔɓo, hva luwun, gwɛlan ɉɛn tii, həɛi ká tɔwɔ yələi;

Timote veelɛ 1:16

Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Timote dɔlɔɔ 6:19

Da kɛli gɛ ti, di kaa hɛn gɔw kpɔn ɉii gee ɓa a di kpɔwɔ nwɔɔ tínąą, diɛ pɛli ɓalo hva kpɛɛ hɔlɔɓoi la.

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Gɛlaɠaa 21:33

Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Timote veelɛ 2:9

a yai, mąą mɔ̨nɔ̨ ka gáá mįi, diɛ dóó kpɔ la yɔwɔn ŋą, yɛ ŋą́ kɛ a mɛ̨nį ɲɔ̨n gɛmun. Kɛlaa Yálá laa woo hvo yɔwɔn ŋą.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Gɛlaɠaa 28:20

Mɛ̨nįi gɛ, ŋį́ ɉuhvɛli, gɛ́ kɛ ŋį́ ɲɛ̨́i tɔɔ káá, ɛlɛɛ, ŋį́ ɉukulɔ kaa, yaa li. Kɛlaa, a tɛ̨ą leelee, mɛ̨nįi Israɛlə kilitɔɔi mą, mąą mɛ̨nį ɓə ɲɔwɔn ŋɛ̨i kaa la ɲéé ɓa.»

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Lukə 9:25

Nu a yɛnɛ̨ɛ̨ hɛnŋąa kəlee hɔlɔɓo, ə haa, yili dɔ̨nɔ̨ ɓaa a lə?

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Hebreu 13:14

Mąąhɔlɔɓo, ɓɛ lɔi mɛ̨i, taa ta hvo ɓɛ a gu hee taa, kɛlaa gu hee taai laa, ya ɓə gu kaa lii bɔ pələ.

Ikilisiati 3:6

Hɛn gwɛli yələ kaa mą, ɉɛn tii lan ɲələ yɛ ɓo mą. Hɛn naaikɛ yələ kaa mą, bili yələ yɛ ɓo mą.