Bib sou entènèt

Hebreu 10:30 - Yálá laawoo hɛɓɛ (dc)

³⁰ Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»

Gade chapit la Kopi

Yálá laawoo hɛɓɛ

³⁰ Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»

Gade chapit la Kopi

Bible

³⁰ Kpɛ́ni fêi, ku ǹúui kɔ́lɔŋ m̀o, nyɛɛi, “Ńyãa ƃa tɔ̂ŋ kpɛ̀ núu ma. Ŋa pâi bɔɔ-teei kulâi.” È ŋɔ́nɔ mò, nyɛɛ, “Nuu-namui a pâi ŋɔnûai dímɛnii ŋá têei.”

Gade chapit la Kopi

tounen moute ⬆

Hebreu 10:30
18 Referans Kwoze

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Mąątɛ̨nɛ̨ 50:4

Gaa yələkɔlɔn da lɔi di təlii, nwɔ nu huwui kiti tee mɛ̨nį ɓa.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Mąątɛ̨nɛ̨ 135:14

Mąąhɔlɔɓo Yai-Laa, a nwɔ nuąi di wɔ tɛ̨ą mɛ̨nį ɲɛ̨i kulɔ, a nwɔ tínuąi ɲɛ̨imąąwɛli kaa.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Izikiɛ 34:17

«Ka wɛi, kaai a nwɔ́ taatɛlɛɛ kpului, mɛ̨nįi Mɛ̨nį kəlee ŋą Hééɓomun Yálá woo ka; yɛ: Gáá pai ɓɛlaa haaɠaa da ɓɛlaa haaɠaa di lɔwai mɛ̨nį ɓoi, gɛ́ ɓɛlaa hilɛɠaa da ɓoli hilɛɠaa di lɔwai mɛ̨nį ɓo.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Azaya 59:17

Ə tələnmolaa too gwaną, yɛ kɔ́ kɔ́ həɠə, ə nu ɓalo mɛ̨nį lɔ nwuɔ̨ a kɔ́ kɔ́ ɓɔlɔ, ə nwąnąkulɔ mɛ̨nį too gwąną a ŋɛ̨ kilɛn ɉəɠə, ə tolo kɛ a gɔn mą gbaawii.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Swiv nou:

Lyen patwone

Piblisite

Piblisite