Bib sou entènèt

Hebreu 10:29 - Yálá laawoo hɛɓɛ (dc)

²⁹ Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Gade chapit la Kopi

Yálá laawoo hɛɓɛ

²⁹ Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Nįį-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Gade chapit la Kopi

Bible

²⁹ Káfe gɔ́lɔŋ a gɛɛ ǹúui a Ɣâla Ǹóŋ kpɔ̀ara é gbanaŋ-woo-kɛɛi maa-ŋãai kara, nyíi maa waai, é tela Mɔ̂leŋ ŋumɛ nyíi a ƃɛlɛ-sêe tɛ̂ɛi, ŋɔtɔŋ-kpɛ́-maai kɛ́tɛ̂i é tɛ́ɛ nyíŋi ma?

Gade chapit la Kopi

tounen moute ⬆

Hebreu 10:29
40 Referans Kwoze

Hebreu 6:6

ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Korɛntə dɔlɔɔ 11:27

Yili ɓə gɛi, nui lɔpee hvo nɛɠɛi ŋɛ̨i mįi a mįi pələ, hvo gbələi a gu Ną́mu nwɔ kpələ kɔ́wɔi a gbələ pələ, mąą nu kaa gu Ną́mu kpinį, da ɲąmą wulu lɛɛi nwuɔ̨.

Lukə 12:10

«Nui lɔpee a woo ɲɔ̨n mo Nu Lon ma, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąą nui mąąhvaa hva lɛɛ.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Hebreu 9:13

Mąąhɔlɔɓo, akɛ, ɓolu ɲąmą, niŋɛ̨ hilɛ ɲąmą, ɛlɛɛ, da niŋɛ̨ haa kələn nuwui ti di kɛi daɠa nuąi di mąą hvo həɠə li diɛ, ə kɛli di kɔ́lɔ ɓa mąąhəɠə;

Korɛntə dɔlɔɔ 11:29

Mąąhɔlɔɓo, nui a nɛɠɛ ŋɛ̨i mįi, yɛ gbələ a gbələ kɔwɔ, a tɛɠɛɓo ɉu laa gu Nąmu ɓa, gaa naa mįi, yɛ gbələ, a gbɔwɔ nwun na pili mɛ̨nį.

Hebreu 6:4

Gɛ laa walaai mun, nuąi daa ta Yálá ŋą kɛɛ ponoi hɔlɔɓo, daa yələkɔlɔn ɉu mɛ̨inɛ̨ɛ̨ kɔɔn, ɛlɛɛ, daa di wɔɔ nąą hɔlɔɓo Kili-Mąąhəɠɛɛ hu,

Hebreu 2:11

Mąąhɔlɔɓo, mąąhəɠə kɛmun, da nuąi a di mąąhəɠə, di nąn gaa tanɔ̨n; yili ɓa, hva pɛli nwumɛ̨i kɛi diɛ: Ną́n nonnii,

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Maafîu 7:6

«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Tɔɔɓɛlaa veelɛ 9:33

Ɉehu yɛ nuą tii diɛ: «Ka nɛ̨ɛ̨nui tii kulɔ ka doo nɔi ɓa!» Di Ɉezabɛlə kulɔ di doo, ɲąmą ta ə taɠa ɉį́i nwąną ɓa, da ə taɠa ɉooɠaa diɛ. Ɉehu ə ɓɔlɔɔn Ɉezabɛlə mɛ̨i.

Hebreu 9:20

yɛ diɛ: Yii kaa a Yálá ŋą mįnɛ̨i gaa ká diɛni ká lɔwai, ɉu ɲąmą.

Korɛntə dɔlɔɔ 15:25

Mąąhɔlɔɓo, hvo kɛli ə hééɓolaa kɛ, ə lɛɛ ɉu, ə ɲowoɠaa kəlee too gɔ́wɔ mu.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Azaya 28:3

di kaa pai di kɔ́wɔ tɔɔi, Ɛfraimə lɔɔ honŋąą di wɔ ɓɔlɔ ɲɛ̨i tɔɔi mɛ̨i;

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Korɛntə dɔlɔɔ 15:27

Mąąhɔlɔɓo aa gəlee too gɔwɔ mu. Kɛlaa, ɓɛlɔwai gaa pai kɛi la mą: «Hɛn gəlee aa pɛlɛ gɔwɔ mu», ə kulɔ nui hɛn gəlee pɛlɛ gɔwɔ mu, bulu.

Izikiɛ 16:6

Ŋą́ kɛi tɛɛ ɓɛi ə́ kɛ laa nąą kwɛlɛ, ŋį́ ə́ kaa, yɛ́ ə́ mąą kɔ̨ŋɔ̨ ə́ ɲąmą hu; ya ɓə ŋį́ kɛ yɛ́, a ɓɛlɔwai ə́ kɛ laa ə́ ɲąmą ti hu: 'yɛnɛ̨ɛ̨ kɛ! A ɓɛlɔwai kpɔ ti ə́ kɛ laa ə́ ɲąmą hu, gɛ́ yɛ́: 'lɛɛ yɛnɛ̨ɛ̨.

Ɉeremi 1:5

«Ɉeremi! Di hvo nii kpɛli kɛ ə́ mąą koo həɠə li ŋį́ ə́ kɔ́lɔn gɛ. Di hvo nii kpɛli kɛ ə́ kaa li, ŋį́ ə́ həɠə ɉu a nwɔ́ɔ́, ə gɛ, ə́ tí mą́ą́; ŋį́ ə́ kɛ a gwə́i mɛ̨nį hukulɔ mun lɔiɠaa diɛ.»

Mąątɛ̨nɛ̨ 91:13

Ə́ kaa pai hiɛi yala da tumo di mɛ̨i, yɛ́ ɓɔlɔn yala lon da yíleen di mɛ̨i.

Lɛɛ gbɔwɔ ɓa 24:8

Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Markə 7:2

Yii kɛa di gaa diɛ Jesus nwɔ kalan nɛai taɠaa di kaa kɔ̨nɔ̨n mįi a di yee ŋą kpan (mukulaa ɓaa: di hvo di yei waa li yɛ pələi di wɔ huwula tɔ́n gaa la.)

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Swiv nou:

Lyen patwone

Piblisite

Piblisite