Hebreu 10:19 - Yálá laawoo hɛɓɛ (dc)

¹⁹ Yili ɓa tii, ną́n nonnii, kilitɔɔmąą laa walawala kaa kani ká gu yəi, guɔ pɛli lɛɠɛi la, gɛɛnąą mąąhəɠɛɛ hva-hva ɓa Jesus ɲąmą háálai.

Yálá laawoo hɛɓɛ

¹⁹ Yili ɓa tii, ną́n nonnii, kilitɔɔmąą laa walawala kaa kani ká gu yəi, guɔ pɛli lɛɠɛi la, gɛɛnąą mąąhəɠɛɛ hva-hva ɓa Jesus ɲąmą háálai.

Bible

¹⁹ Mɛni ma, ŋánûa, tãi nɔ́ laa-la káa la kúyêei a gɛɛ kú lí gwaa maa waai ma Zîsɛ ŋãai sârai,

Hebreu 10:19 Referans Kwoze

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Hebreu 9:3

A həɠə laa, ɉəɠə ɓɛla veelɛnąą pulu pələ, haláá kulɔi ə kɛ laa, diɛ kɛ mą: Gɛɛnąą mąąhəɠɛɛ kpɔ tɛakpa-tɛakpa.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Hebreu 10:18

Yaan, ɓɛi mąąhvaalɛɛ kaa laa, nɛ̨ŋɛ̨n mąą haláá kulɔ mɛ̨nį hvo kɛa laa.

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.