Bib sou entènèt

Hebreu 1:9 - Yálá laawoo hɛɓɛ (dc)

⁹ Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Gade chapit la Kopi

Yálá laawoo hɛɓɛ

⁹ Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Gade chapit la Kopi

Bible

⁹ Í tɔ̃yâ-laa wɛ́li ní. Ya wôya-mɛni kpɔara. Mɛni ma Ɣâla nyíi gáa a Íɣâlai a ísiɣe zu a líi-nɛ̃ɛ kɛ́tɛ da ƃaa-kɛ-maa kɛ́tɛ tɛ́ɛ ípɔ a tɛ̂ɛ íƃarâai dîa.”

Gade chapit la Kopi

tounen moute ⬆

Hebreu 1:9
42 Referans Kwoze

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Filipə 2:9

Yili ɓə gɛ Yálá ə ɉee hɛn gəlee nwun mɛ̨i, laai gɛnɛ̨ dɛɛ laa kəlee ɓa, di ɉee mą,

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Ɉaan 1:41

Andre ə gbɛa li tɔlɔɔ ə həli niɛ Simɔn ɓa yɛ mą: «Nwun mąąɓomun Yálá ə naakwɛlanmo kwaa gaa. (Yai da kɛ mą: Kristə.)»

Mąątɛ̨nɛ̨ 119:128

Yili mąą mɛ̨nį ɓa, ŋą́ ə́ wɔ tɔn nwooɠaai kəlee kaa a ɉaŋąą. Lɛɛ pələɠaa kəlee wɛli kpɛɛi mą́ą́ kpɔ tɛ-tɛ.

Mąątɛ̨nɛ̨ 119:104

Ə́ wɔ tɔn nwooɠaai daa mɛ̨nį hukpɛ kili tɛɛ bɔ́, yili mąą mɛ̨nį ɓa, lɛɛ pələɠaa kəlee wɛli aa kpɛɛ mą́ą́.

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Mąątɛ̨nɛ̨ 33:5

Tələnmolaa da tɛ̨ą di wɛli kaa Yai-Laa ɓa, lɔi laahvɛɛi a Yai-Laa yəi mɛ̨inɛ̨ɛ̨.

M̀ɛni-lɛɛi 2:15

Yɛ́ kpɛlimąn ə́ pɔɔli, nu taɠaa kaa laa di kąnąnŋąą Nikolasə kalan bələ ɓa.

Korɛntə veelɛ 11:31

Yálá, gu Nąmu Jesus Nąn, yai lúwɔ́ kaa mą a yələ kəlee, ə gɔlɔn yɛ və́ lɛɛ kɛi.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Zakari 8:17

'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Mąątɛ̨nɛ̨ 89:26

Gáá pai gboloyá laai ɲee mu, nwɔ heeɓolaa yɛ hee yáleeɠaa mɛ̨i.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Hebreu 2:11

Mąąhɔlɔɓo, mąąhəɠə kɛmun, da nuąi a di mąąhəɠə, di nąn gaa tanɔ̨n; yili ɓa, hva pɛli nwumɛ̨i kɛi diɛ: Ną́n nonnii,

Mąątɛ̨nɛ̨ 45:6

Yɛ́ tɔ́nwą kpɛlɛmąą ɲąąkulaaɠaai da nuą mąąɲɔw. Lɔiɠaa kaa pai tooi ə́ kɔwɔ mu, yɛ tɔɔmun ɲowoɠaa pɔla di kəŋə hu.

Ɉaan 10:17

«Nwɛ́li kaa ną́n ma; mąąhɔlɔɓo, ŋą pɛli ŋį́ háá gbɔ́ɔ́ ɓa, ŋį́ pənə ŋį́ kɛ a vúlú.

Gɛlaɠaa 4:26

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.›

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Lonon mo 7:43

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Swiv nou:

Lyen patwone

Piblisite

Piblisite