Hebreu 1:14 - Yálá laawoo hɛɓɛ (dc)

¹⁴ Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Yálá laawoo hɛɓɛ

¹⁴ Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Bible

¹⁴ Díkelee dífe a tii-kɛ-mɔ̂leŋ-ŋa nyíi-ŋai Ɣâla è dítɛ̀ɛ a gɛɛ dí tíi kɛ́ diai mɛni ma da pâi ƃalo-laa sɔlɔ ƃôi?

Hebreu 1:14 Referans Kwoze

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Danîa 6:22

Daniɛlə ə tɔɔmun nwoo ŋąąpənə, yɛ mą: «Oo Tɔɔmun, ə́ yii ə kwɛa, kɛi a mo tii Yálá ə kɛ!

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Gɛlaɠaa 5:19

Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

Gɛlaɠaa 12:7

Gu Ną́mu nwɔ malaka ta ə kulɔ lɔ mą wúlú, gaho pɛlɛ́ mu kəlee ə pono. Malaka ə Piɛrə mąą kɛlɛ, ə ɲɛ̨ilaa ɓo yɛ mą: «'Ə́ muhəɠə ɉa!» Ɲɔwɔnŋąą kəlee di tee ɲee ɓa di pu.

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Lukə 16:22

«Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Lukə 2:9

Ną́mu ŋą malaka tɔ̨nɔ̨ ə gbɔwɔ lɛ diɛ, Ną́mu nwɔ mąąwiɛ ə di mąą pono, di ɲɔ̨w kpɔ kɛnɛ̨.

Lukə 2:13

Ɲąąɓa kpɔlɔ tii, malaka kpulu kɛnɛ̨ ə yɛɛ diɛ Yálá mąąwiɛ diɛ kɛ mą:

Mąątɛ̨nɛ̨ 104:4

Yɛ hvaŋąɠaa kɛ a nwɔ tí nuą, nwɔ̨n nənŋaa di ɓo a nwɔ kɛlaɠaa.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Taitɔ 3:7

Ə gɛ, yii kɛa gu mąą aa həɠə ŋą mɛ̨inɛ̨ɛ̨ háálai, gu kɛ kɛa, yɛ bələi gilitɔɔmąą laa tii kaa la, a ɲɛnɛ̨ɛ̨ nįnɛ̨ hɔlɔɓo nuą kwɛlin.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

Piɛrə dɔlɔɔ 1:4

a kwɛlin ɉɛn hva kpɔ pɛli kalai, hva kɔhɔɓo, hva luwun, gwɛlan ɉɛn tii, həɛi ká tɔwɔ yələi;

Hebreu 6:17

Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Filipə 2:25

Epafroditə ŋɛ̨i ká dɔɔ yɛ pa mą́ą́ kpaan gbɛɛ hɛnŋąa laa lɛi, ŋą́ gaa, gɛ́ nɛlɛɛ ɓaa, ŋą́ pənə, ŋą́ dɔɔ, ə pa ka pɔ, gaa a mɛ́lan nɛlɛɛ góló ŋɛ̨i gáá gɛi da gɔi ŋɛ̨i gáá gɔi mąą mɛ̨nį hu;

Korɛntə veelɛ 9:12

Mąąhɔlɔɓo, ɲee ɲąąkpɔn daaləi ŋɛ̨i hvo lɔ a kristalɛa mąąkpɔnmąą ɓo mɛ̨nį, kɛlaa gaa a gu wɔɔ mɛ̨inɛ̨ɛ̨ hu kɔlɔn ɉɛɠɛɛɓoi, a tɛ Yálá pɔ pələ.

Lomaŋ 15:27

Diɛ kpinįi kpɔ ɓə di kiliŋąhiɛ ti, a tɛ̨ą, ɛlɛɛ, hvo kɛli kɛ di gɛ tii, gbala ə tɔɔ, yii, huwu takpɛliɠaa di Ɉuifəɠaa di wɔɔ Yálá lon naa ta hɔlɔɓo, mąąnɛ̨ɛ̨ yiliɠaa diɛn di di wɔɔ hɔlɔɓo di kanąn mɛ̨nį hu.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lomaŋ 13:6

Mɛ̨nįi a gɛ nwɔ̨nɔ̨ guɔ nįįhɔ̨nwɔ̨ kulɔ la, yaa li. Mąąhɔlɔɓo, nįįhɔ̨nwɔ̨ hon nuąi ti, Yálá ɓə di tɔɔ la.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Gɛlaɠaa 11:22

Mɛ̨nįi ti bələ ə pa ə hɛli gbɔn ɓa Ɉerusalɛmə, di nɛɛmą di Barnabasə tɔɔ Antiɔsə.

Lukə 1:23

Lɔwai mąąnɛ̨ɛ̨ kɛ Zakari əgɛ Yálá hee pɛlɛ́ mu yɛ nwɔ tiɓoi kɛ, yii kɛa ə kpɛɛ, ə li ɲei bɛlɛ́ laaləi.

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Zôo 1:6

Yələ ta, malakaɠaa di kɛi li Yai-Laa lííla, ɓilihi yaa kpɛli ə lɛɛ di lɔwai, di pa.

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Hebreu 10:11

Yii kpɔ, ɉaláá laa həli nuą tɛitɛi, di kɛi tɔɔ a yələ kəlee, diɛ haláá huwu tanɔ̨n gbən kulɔ lɔ, geemɛ̨i pɔlɔɔ-pɔlɔɔ, yai hva pɛli kpɔ kɛ nɛ̨ŋɛ̨n gulɔi nuą diɛ,

Hebreu 8:6

A tɛ̨ą, Jesus nwɛi, mɛ̨nį mąąlaai dɛɛ bɔ, gɛnɛ̨i ɲee lanŋąą gəlee mɛ̨i, gbala ə tɔɔ, gaa a mįnɛ̨ pɛlɛ́i di naakwɛlanmo gɔwɔ hvilɛn gwɛnį.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Galatə 3:9

Yili ɓa tii, nuąi a laa na nuą, da lúwɔ́ hɔlɔɓo da Abrahamə ni, yai a laa na mun.

Galatə 3:7

Káá kpinįi ká mɛ̨nįi tii gɔɔn mąą kɛ tai, laa na nuą ɓə a Abrahamə lonnii.

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Gɛlaɠaa 16:26

Di lɛɛ lɔ laa, lɔ tii ɲąąɓa, nɔi ə kpɛlin gbɔ a nwalawalaa, bɛlɛ́ kɔwɔ hvilɛn ɉii ə kpɛlin. Gbon gəlee laa ə ɓo nąąlɔwai, gaho nąmįną kəlee di wɔ kpɔnɔ̨ɠaa di tee diɛ.

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Zɛnɛse 32:24

Ə mą kɛ da ɲəi hɛnŋąą kəlee.

Maafîu 4:11

Yili pulu, nąnį ə Jesus lɛɛ laa. Malakaɠaa di pa di tí mą.

Markə 10:17

Jesus kɛɛ kɛa bələ pɔ, hulɔnu ta a pa ə too gɔwɔ mu, yɛ mą: «Mąąkwəli kɛmun nɛlɛɛ, lə ɓə mąąnɛ̨ɛ̨ ŋį́ gɛ, ə gɛ, yɛnɛ̨ɛ̨i kpɛɛ hvo mą ŋį́ Ɉɔlɔɓo?»

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.