Hebreu 1:11 - Yálá laawoo hɛɓɛ (dc)

¹¹ Di wɛi, haa kaa diɛ, kɛlaa, ə́ wɛi, ə́ kaa lɔ laa a yələ kəlee. A tɛ̨ą, gəlee da haɠa yɛ həɠə.

Yálá laawoo hɛɓɛ

¹¹ Di wɛi, haa kaa diɛ, kɛlaa, ə́ wɛi, ə́ kaa lɔ laa a yələ kəlee. A tɛ̨ą, gəlee da haɠa yɛ həɠə.

Bible

¹¹ Da pâi tɛɛ̂i, kɛ́lɛ, ya pâi lɛɛ̂i nâa. Ǹyaŋ díkelee da pâi pɔlɔ̂i yɛ̂ɛ seɣe.

Hebreu 1:11 Referans Kwoze

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Markə 13:31

Yələkɔlɔn da lɔi di kaa pai tɛɛi, kɛlaa, náá woo nwɛi hva tɛɛ.»

Azaya 34:4

Yələi pələ kɔlaɠa kəlee kaa pai lɔi lɔ hɔɛ, diɛ yələkɔlɔn gbinįn yɛ da kɛi haɠa kpinįn; ɉu kɔlaɠa kəlee yɛ pu, yɛ bələi towələ wulu laa a pu la; yɛ bələi ɓolaa wulu laa a pu la.

M̀ɛni-lɛɛi 21:1

Yili pulu, ŋį́ yələkɔlɔn nįnɛ̨ da lɔi nįnɛ̨ di kaa, mąąhɔlɔɓo, ɲələkɔlɔn dɔlɔɔ, da lɔi dɔlɔɔ tii kɛ laa, di kwɛlɛɛn, ɛlɛɛ, gboloyá hvo kɛa kɛ laa.

Lukə 21:33

Yələkɔlɔn da lɔi di kaa pai tɛɛi, kɛlaa nwóóɠaa ŋɛ̨i dɔ̨nɔ̨ kpɛli hva tɛɛ.»

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Hebreu 12:27

Nwoo ŋɛ̨i ə kɛ mą: «A gbəli-kpəli», a nɛ yɛ mą; pɛli hɛnŋaai kpɔ di kaa yɛnɛ̨ɛ̨ nąą kəlee, gəlee kaa pai həɠəi dɔɔi, gəlee di tɛɛ, ə gɛ, hɛn kala hvo mą, ə ɉeei kaa.

Azaya 65:17

Yii hu kɛa, gáá pai yələ kɔ́lɔn ninɛ̨ pɛlii, ɛlɛɛ da lɔi ninɛ̨. A kɛ tii, mɛ̨nįɠaai daa tɛɛ, di kili hva kɛa too nu ta ɲą, di hva mu kpɛli kɛa pa nu kili pɔ.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Mąątɛ̨nɛ̨ 10:16

Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

Azaya 50:9

Ya ka ŋɛ̨i, Nąmu Yai-Laa aa pa, mą́ą́kpɔnmąą ɓo: Gbɛɛ ɓə a pɛli ɉɔ́n nɛi? A tɛ̨ą, di kəlee, di kaa pai haɠai, yɛ həɠə, hvili yɛ di mįi.

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Mąątɛ̨nɛ̨ 29:10

Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį.

Azaya 51:8

mąąhɔlɔɓo, hvili kaa pai di mįi yɛ həɠə, di hviliin yɛ huwɔ ləɠa. Kɛlaa nwɔ́ tələnmolaa nwɛi, gaa laa a yələ kəlee, ɛlɛɛ nwɔ́ ɓalo mɛ̨nįi ə ɓo laa a yələ kəlee da nwɔɔ.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Mąątɛ̨nɛ̨ 102:26

Yɛ́ ɓə wɔlɔ lɔi kpalan naa, yələ kɔ́lɔn gaa a ə́ yəi pɔɔ.

Hebreu 8:13

Da kɛi mįnɛ̨ nįnɛ̨ mɛ̨nį ɓo, dɔlɔɔ ti kɛ laa, yili aa bɔlɔ kɛ, yaan, hɛn a bɔlɔ kɛ, gbɛɛ hiɛ li.