Hebreu 1:1 - Yálá laawoo hɛɓɛ (dc)

¹ Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Yálá laawoo hɛɓɛ

¹ Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Bible

¹ Tãi pɔlɔi su Ɣâla è lòno kúnâŋ pɔlɔ-ŋai pɔ́ ŋɔlóno-kɛ-ƃelai sârai pere-sii da kpɛni támaa su.

Hebreu 1:1 Referans Kwoze

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Lukə 1:55

Aa mɛ̨inɛ̨ɛ̨ kɛ Abrahamə huwu hu nuą diɛ yɛ pələi ə mįnɛ̨ həɠə la ku kalaɓɔlɔni diɛ.

Gɛlaɠaa 13:32

Kuɔ kpɛli, nwəlɛɛ lɛlɛɛ ti ɓə ku paa la ka pɔ, yii wɔlɔ Yálá ə naakwɛlan mo ku kalaɓɔlɔni diɛ.

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Hebreu 2:2

Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Ɉaan 9:29

Ku kili kaa ɉu kuɔ diɛ, Moisə wɛi, Yálá ɓə dɔɔ; kɛlaa, nui ŋɛ̨i nwɛi, ku hvo ɉəɠəi kɔ́lɔn.»

Ɉaan 7:22

Moisə ɓə kɛ́nɛ̨ mɛ̨nį laa ka nwuɔ̨, kɛlaa, ya hvəə gɔwɔ tɔɔ; ka kalapɔlɔni ɓə gɔwɔ tɔɔ. Ɛlɛɛ, kaa kɛ́nɛ̨ hee a hvįįtɔɔ yələ.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Hebreu 3:5

Moisə ə tələnmolaa kɛ Yálá yəi bɛlɛ́n, yɛ tímun, ə gɛ, mɛ̨nįi kɛi pa ɓoi, ə kɛ a mąą kɛla.

Hebreu 4:8

Akɛ, Ɉosue ə nuą lɔ vįitɔɔ tii hu, hvo li kɛ pənə yili pulu, yɛ hvóló takpɛli mąą mɛ̨nį ɓo.

Hebreu 5:5

Bələ lɔ ɓə ə kɛ la a Kristə nwɛi. Hvo kɛ lɛɛ li lɔ gbɔwɔ ɓa, hvo ɉaláá laa həli mun gɛnɛ̨ɛ̨ ŋą mąąwiɛlaa tɛɛ gbɔwɔ pɔ yaa kpinįi, ə ɉɔlɔɓo nui ŋɛ̨i kɛ mą: «Ə́ kaa a Nón, ɲą́ą́n, háákələi, ŋą́ą́ ə́ kaa a lon», yaa lɔ ɓə;

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Hebreu 11:2

Yaa ɓə wɔlɔ gɛ, gu nąnni pɔlɔɠaa diɛ kɛla hvaa lɛlɛɛ hɔlɔɓo.

Hebreu 11:18

ɛlɛɛ, diɛ kɛ mą: «Isaakə pɔ pələ ɓə, ə́ huwu kaa pai ɓɛlɛi la.»

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.