Hanwon 9:8 - Yálá laawoo hɛɓɛ (dc)

⁸ 'Hvó yɛlɛkulɔ ɉumun ɉutɔɔ, ə́ wɛli hvo pa kpɛɛ mą. Kɛlaa, yá kilimąą mun ɉɔn nɛ mą, a ə́ wɛlilakɛ.

Yálá laawoo hɛɓɛ

⁸ 'Hvó yɛlɛkulɔ ɉumun ɉutɔɔ, ə́ wɛli hvo pa kpɛɛ mą. Kɛlaa, yá kilimąą mun ɉɔn nɛ mą, a ə́ wɛlilakɛ.

Bible

⁸ Ífe yola kula-nûu ŋɔsɔnyɔ̂ŋ lɛ̀ mà. Ƃà gɛ̀ tí a pâi íkpɔarâi. Kɛ́lɛ ƃà táre-nuu ŋɔpɔara-maai lɛ̀ mà, a pâi íwɛ̂lii.

Hanwon 9:8 Referans Kwoze

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Hanwon 23:9

'Hvó loo mɛ̨nį ɓo kilikpɛɛgwəi mun ma, mąąhɔlɔɓo, hvo kilimąą woo dɔ̨nɔ̨ kɔ́lɔn.

Hanwon 15:12

Huɲąŋą kɛnɛ̨mun, hvo bɔ di hvo gilaa pɔ̨nɔ̨, da kilimąą nuą di hva hiɛ.

Maafîu 7:6

«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Hanwon 28:23

Nui a tɛ̨ą ɓo mɛlan ma, a ɉutɔɔ, yili viɛlaɓoɔi, ə tɛɛ la nui a nɛ̨ɛ̨i gwɛli mɛlan ɲəi a laa nɛ̨ɛ̨ mąą, ɓa.

Levetekɔ 19:17

«Yowolaa hvo kɛ ə́ kwəi yɛ hvilɛn na ə́ kaayɔwɔ ta ɓa. Ə́ ɓɛlan gaalon ɉutɔɔ, ə gɛ nɛ̨ŋɛ̨n da wulu hvo pa lɛɛ ə́ nwuɔ̨.

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Tɔɔɓɛlaa dɔlɔɔ 1:23

Də li di mo tɔɔmun ma, diɛ mą: «Natan aa pa ɓɛ!» Natan ə lɔ, ə li ə pɛlɛ nɔi ɓa, ə kwɛli hvilɛn tɔɔmun ma.

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Tɔɔɓɛlaa dɔlɔɔ 1:32

Nąąlɔwai tɔɔmun Davidə yɛ diɛ: «Ka Yálá kwəi mɛ̨nį hukulɔ mun Natan, da ɉaláá laa həli mun Sadɔkə, ɛlɛɛ, Yehoyada lon Benayahu ni təli, di pa.» Nuąi tii di pa di həli tɔɔmun ma.

Hanwon 10:8

Kilimąą mun a nwəli tɔɔ liɛwoo ɓa, Kɛlaa, nui hva pələ ɓo a dənən, a gbɔwɔ nwun nɛɛ ɉu.

Hanwon 13:1

Lon kili kaa mą, a nwəli tɔɔ nąn nwɔ liɛwoo ɓa, Kɛlaa, lon ɲɛ̨itɛɛ, hva hvaa mą di hvo ɉɔn nɛ mą.

Hanwon 19:25

Da yɛlɛkulɔɉumun gɛlɛ, a kili tɛɛ kilikpɛɛgwəi mun bɔ. Ya mɛ̨nį kɔ́lɔnmun ɉɔn doo ma, a kili hɔlɔɓo ɉu.

Azaya 36:21

Nuą di di laa pilɛ, di hvo nwoo pulu pənə, mąąhɔlɔɓo, tɔɔmun ə kɛ diɛ: «'Ka hvo nwoo pulu pənə.»

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Hanwon 23:23

Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.