Hanwon 8:12 - Yálá laawoo hɛɓɛ (dc)

¹² «Ɲą́ą́ Kili, kwa mɛ̨nį kɔ́lɔn ŋąą ɓə ku heei kaa tanɔ̨n. Gɛ́ mɛ̨nį ɲąąlaai.

Yálá laawoo hɛɓɛ

¹² «Ɲą́ą́ Kili, kwa mɛ̨nį kɔ́lɔn ŋąą ɓə ku heei kaa tanɔ̨n. Gɛ́ mɛ̨nį ɲąąlaai.

Bible

¹² Ńyãa ƃa Táre. Ŋa pere sã́a kɔ́lɔŋ. Ŋá ƃɛ́i kɔ́lɔŋ mɛni kɔ́lɔŋɔɔ káa naa da mɛni ŋá-kaa a ǹɛ́lɛɛi.

Hanwon 8:12 Referans Kwoze

Azaya 28:26

Yaan bələi mąąnɛ̨ɛ̨ ə gɛ la, nwɔ Yálái ɓə a bələ lɛ mą; yɛ mąąkwɛli mą.

Lɛɛ gbɔwɔ ɓa 35:30

Moisə yɛ Israɛlə lonnii diɛ: «Yai-Laa aa Uri lon Besalɛlə həɠə ɉu, yai gaa a Hurə mąnįn, Ɉuda huwuhu mun.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Hanwon 1:4

A kiliŋą kulɔ tɛɛ nu tunun bɔ, yɛ mɛ̨nį kɔ́lɔn ŋąą tɛɛ hulɔnon bɔ, da mɛ̨nį hukpɛ kili.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Kɔlɔnikɔ Maa-ŋuŋ 28:19

Mɛ̨nįɠaa tii kəlee kaa hɛɓɛ́ ta hu, Yai-Laa ɓə bɛ̨ɛ̨ a ɲee, yɛ ɉɛɓɛ́i tii hu kolóɠaa kəlee kpaɠala lɛ mą́ą́.»

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 1:8

Yálá ə gu pilɛ a ɲəi mɛ̨inɛ̨ɛ̨, a mɛ̨nį kɔlɔn gili, da kilikɛɲəi laa.

Kɔlɔnikɔ Veerɛi 13:14

Ɉuda nuą diɛ di kaa tinɛ̨n ɉii, kɔ́ aa hee diɛ pulu pələ da dɔwɔ pələ. Di nɛɛ mą di tómą Yai-Laa pɔ pələ, ɉaláá laa həli nuą diɛ duluɠaa hvɛɛ.

Tɔɔɓɛlaa dɔlɔɔ 7:14

Hiramə ə kɛ a Nɛftali nɛ̨ɛ̨nu ta lon. Nɛ̨ɛ̨nu kpɔ ə kɛ a galanįn, Tirə hulɔnu ta ɓə Hiramə kaa nɛ̨ɛ̨nui tii ɓa. Hiramə ə kɛ a nui ŋɛlɛɛ ɓala kwɛli koló ɓa, yɛ goló kɛ kpɔ a nɛlɛɛ. Ə pa tɔɔmun Salomɔn pɔ, golói di dəli mą, ə gəlee kɛ.

Kɔlɔnikɔ Maa-ŋuŋ 28:12

Mɛ̨nįɠaai kpɔ ə kɛli pa gɛi, yɛ hvilɛn na Yai-Laa yəi gwəlii ɓa, gulɔ-gbinma mɛ̨nįɠaa, Yálá yəi bɛlɛ́n ɉɛngɔwɠaa, da ɉaláá kulɔ hɛnŋąą, ə yili lɛ mą.

Hanwon 8:5

Kaai ka hva mɛ̨nį ŋąą kaa, ka pa ŋį́ ka mąąkwɛli. Kaai ɓaa hupu nuą, ka pa ŋį́ ka nwun gɛ ka hu.