Hanwon 6:6 - Yálá laawoo hɛɓɛ (dc)

⁶ Hviɲɛmun, li tai ə́ humoɠaa kaa, ə́ di túwɔ́ pələ mąąkpɛɛ, ə́ kili hɔlɔɓo bɔ.

Yálá laawoo hɛɓɛ

⁶ Hviɲɛmun, li tai ə́ humoɠaa kaa, ə́ di túwɔ́ pələ mąąkpɛɛ, ə́ kili hɔlɔɓo bɔ.

Bible

⁶ Óo nyɛ̃ŋ-nyɛŋ-nuu, lí í tíi kɛ́-pere maa kɔ́ri yɛ̂ɛ berei pumu-ŋa da tíi kɛ̀ lai a gɛɛ í táre.

Hanwon 6:6 Referans Kwoze

Hanwon 20:4

Hviɲɛ̨mun a ɲɔw kwɛlɛ ɓa, hva kɛɛ hvala, mɔ̨nun dee yələ, yɛ mɔ̨nun gwɛli, hva ɉɔlɔɓo.

Hanwon 18:9

Nui a gɛ koló kɛ a hviikpɛɛ, gaayɔwɔ ɓaa kɛɛ kalamun.

Hanwon 6:9

Ə́ hviɲɛ̨mun ŋɛ̨i, ə́ kaa pai lɛɛi laani ə lɛɛ ɉu mįnɛ̨ lɔwai? Mįnɛ̨ lɔwai ɓə ə́ kaa pai ə́ muhəɠəi la?

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Hanwon 13:4

Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Maafîu 25:26

«Nąmu ə nwoo ŋąąpənə yɛ mą: ‹Kólo kɛmun hɔn ɲɔ̨nwɔ̨ɔ̨ ɓaa a yɛ́, ə́ gɔlɔn gbɔ kɛ yɛ́ diɛ ɓɛi və́ tii kɛli laa, nąą ɓə ŋą mɔ̨nun dee la, ɓɛi və́ mɔ̨nun dan ni laa, nąą ɓə ŋą mɔ̨nun giɲɛ̨ kələ laa.

Hanwon 30:25

Humoɠaa, hvaŋą hvo di yəi; Kɛlaa, hvóló laa a tee, ya ɓə da di kɔ̨nɔ̨n gbɔn na gee ɓa.

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Hanwon 21:25

Mɛ̨nįɠaa hviɲɛnun a ɲɛ̨i kulɔ bo diɛ ɓə pai baai, mąąhɔlɔɓo ɲeeɠaa di hvo koló kɛ.

Hanwon 19:15

Hviɲɛ a nu kɛ a nu ɲą́ą́, nui vįikpɛɛ, ya ɓə pulu a baa.

Hanwon 22:13

Hviɲɛ̨mun mə a kɛ mą: «Yala kaa ɲɛnɛ̨ɛ̨, və́ kulɔi laa, hvo pa báá bələ pɔ.»

Hanwon 10:26

Bələi gaani-kponą a nu ɲin ɉon na, lulu yɛ lɔ la nu ɲɛ̨i, bələ ɓə hviɲɛ̨mun gɛ pələ kaa la nwun nąmu ɓa.

Hanwon 19:24

Hviɲɛ̨mun a ɲee lɔ kɔ̨nɔ̨n ɉu hva pɛli dɛi na.

Maafîu 6:26

Ka nwɛ̨niɠaa kaa, di hva hihɛn ɉi, di hva hɛn da laaikɛ kələi. Kɛlaa, ka Ną́n gaa yələi a di kɔ̨nɔ̨n gɛ! Gu hvo mun kɛ, kaa, ka hviala hvo ɓo li hvo tɛɛ nwɛ̨niɠaa diɛ?

Hanwon 15:19

Hviɲɛ̨mun dɛɛ pələ kaa lɔ a ɲąąlən gbɔlɔ, Kɛlaa, nu lɛlɛɛɠaa di wɔ pələi kaa a pələ mɛ̨i pɔ̨nɔ̨ɔ̨.

Hanwon 1:17

A tɛ̨ą, kpɛli ɓaa hɛlɛn dɛmun, a kɛi dɛ, ɉɛn gaa dɛi dɔwɔ ɲɛ̨i heɛ mą, ɉɛlɛn dɛ mɛ̨nį nwun və mą!

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Hanwon 23:19

Yɛ́i ŋɛ̨i a nón, ə́ wəli tɔɔ, ə́ kili hɔlɔɓo, a kɛ tii, yá hiɛ a ɉaŋąą ə́ wɔ yɛnɛ̨ɛ̨ hu.

Hanwon 30:24

Hɛnŋąą nąąn gaa lɔi mɛ̨i, di pɛlɛɛ-pɛlɛɛ kpɔ a mɔlɔ; Kɛlaa, di kili kɛnɛ̨ɛ, kilimąą hɛnŋąą kəlee diɛ, diɛ ɓaa:

Ɉeremi 8:7

Kpalanwɛ̨nį, ə pai lɔwai kɔ́lɔn, hvólóon, da nįŋɛ̨ pulu nwɛ̨nį di di pa kuu da di li kuu kɔ́lɔn. Kɛlaa nwɔ́ nuąi di wɛi, tɔ́n Yai-Laa ə dɔɔ diɛ di hva hiɛ la.

Hanwon 10:4

Nu yee ɲą laɠiɛ, a gɛ a yee hvowolomun, Kɛlaa, koló kɛ yee a nu tɔɔ.