Hanwon 6:25 - Yálá laawoo hɛɓɛ (dc)

²⁵ Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Yálá laawoo hɛɓɛ

²⁵ Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Bible

²⁵ Ífe nɛ̀ɛ naa ǹɛ́lɛ-pere é ípili yee-laa-maa su, kpaa máŋ ŋɔŋɛ́i-gbana too-pere é ísoŋ.

Hanwon 6:25 Referans Kwoze

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Tɔɔɓɛlaa veelɛ 9:30

Ɉehu kɛɛ pai lɔi Izreɛlə daai, Ɉezabɛlə ə bələ mɛ̨n, ə pəną laa ɲɛ̨i kɔ́n bulu, ə nwun mą yili, yili pulu, ə nwun gulɔ bɛlɛ́ vaŋą pili.

Azaya 3:16

Yái-Laa yɛ: yii Siɔn nɛ̨ɛ̨lɛa kaa ɓələn gulɔi, da kɛi hiɛ daa di ɲɛ̨i pili yələi, diɛ nuą ɲɛ̨i kwɛli, di hiɛ diɛ di wilɛn gbɛlin, diɛ di kɔ́wɔ kwaną talanən bɛlɛɛ tin dɔɔ;

Wɛli 4:9

Nwɛli! Ə́ ɲɛ̨i heei mą́ą́ tanɔ̨n a níi ɓɛla mą́ą́, ŋą́ ɲɛ̨i hee lɔ ə́ kɔ́n mįnįin ma, va gbɔ́wɔ́ hɔlɔɓo.

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Izikiɛ 23:40

Yili pulu di nuą təli diɛ həɠə kwɛa la, di nu tɔɔ kpɔ di pɔɔli, mąą nuą ka ti daa pa, diɛi ə́ ə́ waa di mąą mɛ̨nį ɓa, yɛ́ pə́ną́ laa ə́ ɲɛ̨i kɔ́n bulu; yɛ́ ə́ mąą yili.

Dutɛrɔnome 5:21

«'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.