Hanwon 4:23 - Yálá laawoo hɛɓɛ (dc)

²³ Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Yálá laawoo hɛɓɛ

²³ Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Bible

²³ Íkili-ŋa sîai mɛi káa a ǹɛ́lɛɛ mɛni sîi kélee su, kpɛ́ni fêi, nàa ƃé ífulu-laai a kûla naa.

Hanwon 4:23 Referans Kwoze

Lukə 6:45

Nu kwəi kiliŋąhiɛ lɛlɛɛ lɔ ɓə, mɛ̨nį lɛlɛɛ kɛɛ a kulɔ ɉu. Nu kwəi kiliŋąhiɛ ɲɔ̨nwɔ̨ɔ̨ lɔ ɓə, mɛ̨nį ɲɔ̨nwɔ̨ɔ̨ kɛɛ a kulɔ ɉu. Mąąhɔlɔɓo, yii gaa nu nwɔ kiliŋąhiɛ hu, ya ɓə a tɛ na.»

Hanwon 13:3

Nui a ɲee kɛ naaləi ɓa, a nwɔ yɛnɛ̨ɛ̨ mɛ̨i kaa. Kɛlaa, nui a howon a mɔlɔ, a gbɔwɔ nwun na pili.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Hanwon 23:19

Yɛ́i ŋɛ̨i a nón, ə́ wəli tɔɔ, ə́ kili hɔlɔɓo, a kɛ tii, yá hiɛ a ɉaŋąą ə́ wɔ yɛnɛ̨ɛ̨ hu.

Hanwon 28:26

Nui a gilitɔɔ gbɔwɔ ɓa, ɓowomun ni. Kɛlaa, nui a hiɛ a kilikɛɲəilaa, mąą nu a ɓalo.

Markə 14:38

Ka ka ɲɛ̨ilaaɓo ka Yálá hvɛli, ə gɛ, ka hvo pa too ɲąąhɛn mɛ̨nį hu. Nu nįį huwalawalaai, kɛlaa, nu kɔ́lɔ hviikpɛɛi.»

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Hanwon 4:7

Kili mɛ̨nį kɔwɔ tɔɔi ka: 'Tɔ́ɔ́ a ə́ nwąnąi ə́ kili kwɛli, 'gwɛli a ə́ yəi hɛn gɔw kəlee, hɛn gaa ə́ yəi, gəlee kwɛlɛ ə gɛ, ə́ nwun gɛ ɉu mɛ̨nį hɔlɔɓo.

Hanwon 3:21

Nón, kɛ gili-gili laa, mɛ̨nį hukpɛ kili, mąą hvo kwɛa ə́ ɲɛ̨i mu, 'hvó lɛ̨ą mɛ̨nį hveelɛi tii ɓa.

Hanwon 22:5

Nui dúwɔ́ pələ hvo haŋą li, ɲąąlən gɔw da ɓaalə di kaa gbaalə hu, nui gaa bɔ ə lamun yɛnɛ̨ɛ̨, a mąą kwɛa mą.

Hanwon 11:16

Kili mɛ̨nį a ɲɛ̨i kɛ yɛ́, hva pɛli ə́ wəli tɔɔi nwɛ̨ą nɛ̨ɛ̨nu nwɔ gbanalaa woo ɓa.

Ikilisiati 5:13

Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Maafîu 15:18

Kɛlaa, yii a kulɔ nu la, a həɠə nwɔ kiliŋąhiɛ hu. Yili ɓə a nu mąą liɓi.

Tɔɔɓɛlaa veelɛ 10:31

Kɛlaa, Ɉehu hvo tɔɔ a nwąnąąi hvo hiɛ a Yai-Laa Israɛlə nwɔ Yálá nwɔ tɔ́n nwooɠaai kpaalə. Nɛ̨ŋɛ̨nŋaai Ɉeroboamə ə Israɛlə yee lɔ ɉu, hvo həɠə di pulu.

Hanwon 16:17

Nu haŋąąɠaa kpaalə ɓaa, di di mąą kwɛa mɛ̨nį ɲɔ̨n ma. Mąąhɔlɔɓo, nu túwɔ́ pələ yɛlɛ kɛɛ a nu nwɔ yɛnɛ̨ɛ̨ mɛ̨i kaa.