Hanwon 4:12 - Yálá laawoo hɛɓɛ (dc)

¹² Ya kɛi hiɛ bələi tii hu, hva too ə́ kɔwɔ mɛ̨i, ə́ ma kɛ gilɛ həɠəi hva ə kɔ́wɔ túwɔ́.

Yálá laawoo hɛɓɛ

¹² Ya kɛi hiɛ bələi tii hu, hva too ə́ kɔwɔ mɛ̨i, ə́ ma kɛ gilɛ həɠəi hva ə kɔ́wɔ túwɔ́.

Bible

¹² Ƃa mɛni kpɛtɛɛ da kélee kɛ̀, ŋ̀aa sèe a pâi kɛ̂i a ǹɛ́lɛɛ. Ƃa kɛ̀ siâi, íperêi a pâi kɛ̂i a bonoɔɔ.

Hanwon 4:12 Referans Kwoze

Hanwon 3:23

A kɛ tii, yá pɛli hiɛi a ə́ wɛli pulu laɠiɛ, ə́ kɔ́wɔ nuą kalin.

Mąątɛ̨nɛ̨ 18:36

Ya yɛ́ kwɛli-gbalai tɛɛ bɔ́, yɛ́ ə́ ɓa-mįi-yee pu mú, yɛ́ gɛ́nɛ̨ a mą́ą́ mɛ̨nį ɲɛ̨i kulɔ pələ ə́ yəi.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Samia Veerɛi 22:37

Yá gɔ́wɔ́ muhəɠə a nɛlɛɛ, gɛ́ gilɛ həɠə, gɔ́wɔ́ hva kpona.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Hanwon 6:22

Yiliɠaai ɓə da ə́ tənən dɔɔ ə́ hiɛ pələ hu. Yá kɛ laani, diɛ ə́ mąą kpɛ, yá ə́ ɲįnąą ɓo, ka diɛni kaa lono kɛ.

Mąątɛ̨nɛ̨ 119:165

Nuąi ə́ wɔ tɔn nwooi wɛli kaa diɛi, di kaa liilaa hu, di wɛi, di kalin ɉɛn və kɛa di tɔwɔ.

Mąątɛ̨nɛ̨ 119:45

Ŋą́ nwɔ́ yɛnɛ̨ɛ̨ kɛ nɛ̨́ɛ̨́ hu, mąąhɔlɔɓo ə́ wɔ tɔn nwooiɠaai ɓə gáá bɔ.

Hanwon 2:9

Akɛ yá ə́ wəli tɔɔ mą́ą́, yá mɛ̨nį haŋąą kɔ́lɔn, yɛ́ pɛli mɛ̨nį lɛlɛɛ kɛi.